Girtiyê berê yê siyasî yê Kurd Selah Rehmanî ji aliyê hêzên ewlehiyê ve hat binçavkirin
Sibeha roja Sêşemî 23ê Xezelwerê, Selah Rehmanî girtiyê siyasî yê berê yê Kurd xelkê gundê Çişmîdere ya ser bi devera Zêvrûd a bajarê Sine, ji aliyê hêzên ewlehiyê ve hat binçavkirin û bo cihekî nediyar hat veguhastin.
Li gor çavkaniyek agehdar, demjimêr 5ê sibê hêzên ewlehiyê bêyî nîşandana belgeya dadgehê bi ser mala vî welatiyê han de li gundê Çişmîdere girtin û ew binçav kirin.
Heya dema belavbûna vê nûçeyê, derbarê sedema desteserkirin û tohmetên li ser Rehmanî de ti zanyariyek tine.
Selah Rehmanî di sala 1393an de ji aliyê hêzên ewlehiyê ve hatibû binçavkirin û nêzîkî 5 mehan li navendên îtlaata Spaha Pasdaran de jêpirsîn hatibû kirin û piştre bi danîna barimte hatibû berdan.
Paşê ev welatiyê han bi tohmeta “têkdana ewlehiya netewî” bi endamtiya yek ji partiyên Kurd ên opozisyona hikûmeta Îranê, ji aliyê dadgeha Şoreş a bajarê Sine ve bi du sal heps hate cezakirin.
Rehmanî di sala 1394an a Rojî de ji bo derbazkirina cezayê girtîgehê hate binçavkirin û piştî bidawîhatina cezayê di sala 1395an de ji girtîgeha navendî ya Sine hate berdan.
