شیرین عیبادی، چالاکی مافی مرۆڤ و براوەی خەڵاتی ئاشتی نوبێل ڕایگەیاندووە: کە یاسای بنەڕەتیی حکوومەتی ئێران لە خۆڕا بە دڵخۆشکردنی نەزانانە و باوەڕی کوێرکوێرانەی خەڵک لە ڕێفڕاندومی ساڵی ١٣٥٨ی هەتاوی پەسەند کرا.
زیندانییەکی کورد خەڵکی یەکێک لە گوندەکانی شاری دیواندەرە، لە زیندانی ئەو شارەدا، بە هۆی قەرزداربوون کوژرا.
کاسبکارێکی کورد، خەڵکی یەکێک لە گوندەکانی شاری پیرانشار، لە سنووری ئەو شارە و هەرێمی کوردستان بە تەقەی ڕاستەوخۆی هێزە نیزامییەکانی حکوومەتی بریندار کرا.
لەسەر چارەنووسی سێ هاووڵاتیی کوردی خەڵکی شاری سنە، کە بۆ ئیدارەی ئیتلاعاتی ئەو شارە بانگهێشت کراون، زانیارییەکی ورد لە بەردەستدا نییە.
حوکمی ئێعدامی پێنج هاووڵاتی، لە زیندانی دێزڵاوای شاری کرماشان، لە لایەن بەرپرسانی ئەو زیندانەوە جێبەجێ کرا.
چالاکێکی مەدەنیی کورد دانیشتووی شاری سنە پاش سەردانی بۆ دادسەرای گشتی و ئینقلابی ئەو شارە دەسبەسەر کرا و بۆ زیندان ڕاگوێزرا.
زیندانییەکی سیاسی کورد کە لە زیندانی ناوەندیی شاری سنە ماوەی زیندانییەکەی خۆی تێدەپەڕاند، لە ئێران هەڵاتووە.
بەرپرسانی زیندانی شاری ئیلام بە نیشانەی بێڕیزی کردن بە دەروێشەکانی گۆنابادی، سەروسمێلی سێ کەس لە دەروێشەکانیان لە زیندان تاشیوە.
کۆڵبەرێکی کورد خەڵکی شاری چاڵدران بە هۆی تەقەی ڕاستەوخۆی هێزە حکوومەتییەکانی ئێران کوژرا.
هێزە ئیتلاعاتی و لیباس شەخسییەکان لە شارەکانی سنە و سەقز سێ هاووڵاتیی کوردیان دەسبەسەر کرد.
ئاژانسی هەواڵدەریی کوردپا
