لە ماوەی ڕۆژانی ڕابردوودا، ژمارەیەک لە کۆڵبەرانی کورد لە بەرزاییەکانی سنووری سەڵماس کەوتنە بۆسەی هێزە نیزامییەکانی حکوومەت و لە ئەنجامدا کۆڵبەرێک بە ناوی "سالار ڕەحمانی" کوڕی "محەممەد"، تەمەن ٢٣ ساڵ، بریندار بوو.
ئاژانسی هەواڵدەریی کوردپا ئاماری پێشێکاریی مافی مرۆڤ بە شێوەی ڕۆژانە دەخاتە بەر باس.
ڕۆژی هەینی ٣ی ڕێبەندان، لاوێکی کوردی خەڵکی مەهاباد، بە ناوی "عەبدوڵڵا خزرپوور" کوڕی "ئەحمەد"، بە هۆکاری نادیار کۆتایی بە ژیانی خۆی هێنا.
ڕۆژی شەممە، ٥ی ڕێبەندان، لاوێکی کورد بە ناوی "سەلمان ئەفرا" کوڕی "ڕەحمەت"، خەڵکی گوندی "نێـ"ـی مەریوان، بۆ تێپەڕاندنی ماوەی زیندانییەکەی، ڕەوانەی زیندانی ئەو شارە کرا.
زیندانییەکی تاوانبار بە کوشتنی بەئەنقەست بە ناوی "ئەسغەر دەروێش زادە" کوڕی "محەممەد سەلیم"، خەڵکی گوندی "دلەدەر" سەر بە بەخشی ئەنزەل، بە لێخۆشبوونی بنەماڵەی کوژراوەکە، لە سێدارە ڕزگاری بوو.
"نەهرۆ مینوویی"، کاریکاتۆریستی خەڵکی مەریوان، بەهۆی گوشاری ناوەندە ئیتلاعاتییەکانەوە زێدی خۆی بەجێ هێشت.
حکوومەتی ئێران لە هەنگاوێکی نوێدا، بەربژاری"کەمایەتییە ئایینییەکانی دیکە"ی لە فورمی تایبەت بە وەرگرتنی کارتی میللیی سڕیوەتەوە.
ئێوارەی چوارشەممە، ٢ی ڕێبەندان، چالاکێکی مەدەنیی کورد بە ناوی "فەردین مورادی"، خەڵکی سنە، لەلایەن هێزە ئیتلاعاتییەکانەوە دەسبەسەر و بۆ شوێنێکی نادیار ڕاگوێزرا.
بەهۆی تەقینەوەی مین لە شاری شووش سەر بە پارێزگای خووزستان، هاووڵاتییەک کوژرا و سێ کەسی دیکە کە ئەندامی بنەماڵەیەک بوون، بریندار بوون.
"ئەفشین حوسێن پەناهی"، چالاکی مەدەنی و ژینگەپارێزی بەندکراو لە زیندانی ناوەندیی سنە، بە دانانی بارمتەی ٥٠٠ ملیۆن تمەنی هاتبووە مورەخەسییەوە و پاش ٥ ڕۆژ گەڕێندرایەوە زیندان.
ئاژانسی هەواڵدەریی کوردپا
