ئەمڕۆ چوارشەممە، ٢ی ڕێبەندان، لاوێکی کورد بە ناوی "بڕیار کاوە" کوڕی "ئەمین"، تەمەن ٢٦ ساڵ و خەڵکی گوندی "نێـ"ـی مەریوان، بۆ تێپەڕاندنی ماوەی زیندانییەکەی، ڕەوانەی زیندانی ئەو شارە کرا.
ڕۆژی دووشەممە، ٣٠ی بەفرانبار، هێزە نیزامییەکانی حکوومەتی ئێران لە نزیک قەسری شیرین سەر بە پارێزگای کرماشان، تەقەیان لە ماشینی هاووڵاتییەک کرد و برینداریان کرد.
"بەسیجی خوێندکاریی" زانکۆی ئیلام، پێشیان لە بڵاوکردنەوەی گۆڤارێکی فەرهەنگیی کورد کرد.
لقی ٢ی دادگای کەیفەریی شاری شنۆ، هاووڵاتییەکی بە ساڵێک زیندانی تەعزیری مەحکووم کرد.
ئەندامێکی ئەنجومەنی سێنفیی مامۆستایانی کوردستان_مەریوان بانگهێشتی لقی ١٠٤ی دادگای جەزایی سنە کرا.
هاووڵاتییەکی کورد خەڵکی شاری سنە و دانیشتووی شاری مەریوان، پاش دەسبەسەرکرانی بۆ شوێنێکی نادیار ڕاگوێزرا.
بەڕێوەبەری فێرگەی موسیقای "دەنگی چیا" لە شاری کامیاران، لە لایەن هێزە ئیتلاعاتییەکانەوە، دەسبەسەر کرا و بۆ شوێنێکی نادیار ڕاگوێزرا.
دادگای ئینقلابی شاری نەوشەهر لە چەند مانگی ڕابردوودا و بە بێ ئاگادارکردنەوەی پێشوو، حوکمی "ممنوعالخروج"یان بۆ نووسەرێکی کوردی یارسان دەرکردووە.
لاوێکی کورد خەڵکی شاری مێهران، سەر بە پارێزگای ئیلام لە لایەن دادگای ئینقلابی ئەو شارە بە ساڵێک زیندانی تەعزیری مەحکووم کرا.
هاووڵاتییەکی کورد بۆ پێشگرتن لە موزایدەی بارمتەکەی، بڕی ٢٠٠ ملیۆن تەمەن پارەی خستە سەر ژمارە حیسابی دادگوستەریی شاری شنۆ.
ئاژانسی هەواڵدەریی کوردپا
