ڕۆژی چوارشەممە ٧ی جۆزەردان، سێ هاووڵاتیی کورد بە ناوەکانی "خوسرەو فەرەهمەند، محەممەد پەروازە کوڕی ڕەشید و محەممەد ئەفرا کوڕی ئەحمەد" خەڵکی گوندی "نێـ"ـی مەریوان بانگهێشتی ئیدارەی ئیتلاعاتی مەریوان کران.
ڕۆژی چوارشەممە ٧ی جۆزەردان، "کەژوان ئازادیان" خوێندکاری زانکۆی پەیام نووری مەریوان و چالاکی ژینگەیی خەڵکی گوندی "یەنگیجە"ی مەریوان بۆ تێپەڕاندنی ماوەی زیندانییەکی ڕەوانی زیندانی ئەو شارە کرا.
ڕۆژی شەممە ٣ی بانەمەڕ، هاووڵاتییەکی کورد بە ناوی "بارزان کەریمی" کوڕی ساڵح خەڵکی شاری بانە، بە دانانی بارمتەی ١٠٠ میلیۆن تەمەنی لە گرتنگە ئازاد کرا.
ئێوارەی ڕۆژی سێشەممە ٦ی جۆزەردان، کۆڵبەرێکی کورد بە ناوی "فیاد ئەحمەدی" کوڕی سادق خەڵکی گوندی "کوران"ی ناوچەی سۆما و برادۆست، بە تەقەی هێزەکانی ئەرتەشی تورکیە لە سنووری ورمێ پێکرا.
بارودۆخی تەندروستیی "محەممەد قادری" هاووڵاتییەکی خەڵکی شاری پیرانشار بەهۆی ئازار و ئەشکەنجە لە یەکێک لە گرتنگەکانی ئەمنییەتی لە ورمێ نالەبارە و بەهۆی ئازار و ئەشکجەی تووندی جیسمانی لە هۆشی خۆی چووە.
"توران و ڕەدوان ئەحمەدی" کوڕانی "عەبدولخالق"، دوو کۆڵبەر کە ڕۆژی یەکشەممە ٤ی جۆزەردان، لە سنووری ناوچەی سۆما و برادۆستی ورمێ بە تەقەی هێزە نیزامییەکانی حکوومەت بەسەختی برینداربوون، هەنووکە لە ناوەندی دەرمانی لەژێر چاوەدێریی پزیشکیدان.
ڕۆژی یەکشەممە ٤ی جۆزرەدان، لاوێک بە ناوی "محەممەد گەڕاڤەند" کوڕی "عەباسعەلی"، تەمەن ١٨ ساڵ و خەڵکی گوندی "شێخماخۆ"ی شاری دەڕەشاری پارێزگای ئیلام، لە ڕێگای خۆسووتاندنەوە کۆتایی بە ژیانی خۆی هێنا.
لقی ٢٦ی دادگای ئینقلابی تاران، حوکمی ٥ ساڵ زیندانیی تەعزیری و دوو ساڵ قەدەغەکردن لە ئەندامیەتی لە گرووپە سیاسییەکانی بۆ "سەکینە پەروانە" هاووڵاتیی کوردی خەڵکی خوراسان بڕییەوە.
ڕۆژی یەکشەممە ٤ی جۆزەردان، "سۆهەیلا حیجاب"، چالاکی مەدەنیی کرماشانی، بۆ تێپەڕاندنی ماوەی زیندانییەکەی ڕەوانەی زیندانی قەرچەکی وەرامین کرا.
لە سەرەتای مانگی ڕەمەزانەوە، ٦ چالاکی ئایینی بە ناوەکانی "پەیمان و محەممەدعەلی ئێران پەنا، فواد زارعی، ڕەزا تەلیوار، مامۆستا محەممەد سەهیب عەلیمورادی و سەید محەممەد حوسێنی"، لە قوتابخانەی ئایینیی مزگەوتی "ئیبراهیم خەلیلوڵڵا" لە گەڕەکی…
ئاژانسی هەواڵدەریی کوردپا
