سەرلەبەیانیی ئەمڕۆ سێشەممە ١٧ی پووشپەڕ، شوانێکی کورد بە ناوی "یووسف ئەحمەدی" خەڵکی گوندی "ئاڵوەتانـ"ـی ناوچەی میرئاوێی سەردەشت، بە تەقەی هێزە نیزامییەکانی سپای پاسداران گیانی لەدەست دا.
ڕۆژی دووشەممە ١٦ی پووشپەڕ، کۆڵبەرێکی تەمەن ٢٠ ساڵ بە ناوی "ئایەت یووسفی" خەڵکی گوندی "زمکانـ"ـی شاری جوانڕۆ، لە ئەنجامی ڕاودوونانی هێزە نیزامییەکان لە ڕووباری سیروان خنکا.
ڕۆژی یەکشەممە ١٥ی پووشپەڕ، پێنج هاووڵاتیی کورد بە ناوەکانی "سەعید تابناک، ئەسکەندەر سەید محەممەدپوور، ڕەحمان تابش، ئەبووبەکر بیلال و ڕەحیم ڕەفعەتی" خەڵکی شنۆ، لەلایەن هێزە ئەمنییەتیییەکانەوە دەسبەسەر کران و بۆ شوێنێکی نادیار ڕاگوێزراون.
ڕۆژی دووشەممە ١٦ی پووشپەڕ، هونەرمەندێکی کورد بە ناوی "عەبدوڵڵا چاوەشی" خەڵکی گوندی "حاجی لەک" سەر بە ناوچەی "چۆمی مەجیدخانـ"ـی بۆکان، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی چوارشەممە ١١ی پووشپەڕ، هاووڵاتییەکی کورد بە ناوی "جەسیم مەجنوونی" خەڵکی گوندی "قەرەداغ" و دانیشتووی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
لە ماوەی ڕۆژانی ڕابردوودا، هاووڵاتییەکی کورد بە ناوی "دارا ڕەحمانی" کوڕی "ئەحمەد"، تەمەن ٣٤ ساڵ و خەڵکی جوانڕۆ، بۆ تێپەڕاندنی ماوەی زیندانییەکەی ڕەوانی زیندانی دێزڵاوای کرماشان کرا.
ڕۆژی شەممە ١٤ی پووشپەڕ، "ئومید مستەفاپوور"، ئەندامی بەرەی یەکگرتووی کورد، بۆ زیندانی نەغەدە ڕاگوێزرا.
ڕۆژی چوارشەممە ١١ی پووشپەڕ، هاووڵاتییەکی کورد بە ناوی "ئەسعەد محەممەدنژاد" خەڵکی گەڕەکی "پشت تەپـ"ـی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی پێنجشەممە ١٢ی پووشپەڕ، سێ هاووڵاتیی کورد بە ناوەکانی "مەلا عەبدوڵڵا مەعرووفی"، "ئەحمەد ئیلاهی" خەڵکی مەهاباد و "خالید غەفاری" خەڵکی شاری سەردەشت، هەر کامەیان لەلایەن لقی ٢ی دادگای ئینقلابی ورمێ، بە سەرۆکایەتی دادوەر "شێخلوو" بە ١ ساڵ…
١٤ کارناسی مافی مرۆڤی نه‌ته‌وه یه‌كگرتووه‌كان، لە ڕاگەیەندراوێکدا، ئێعدامی نەهێنیی "هیدایەت عەبدوڵڵاپوور"، زیندانیی سیاسیی کوردیان مەحکووم کرد.
ئاژانسی هەواڵدەریی کوردپا
