بەپێی ئاماری تۆمارکراو لە ناوەندی ئاماری ڕێکخراوی مافی مرۆڤی کوردپا، لە مانگی گەلاوێژی ١٣٩٩، لە کۆی ٢٥ هاووڵاتیی کورد، سەرجەم بە تۆمەتی "ئەمنییەتی" لەلایەن دەزگای دادوەریی حکوومەتی ئێرانەوە بە زیندان و سزای دیکە مەحکووم کراون.
ئێوارەی ڕۆژی شەممە ١ی خەرمانان، کۆڵبەرێکی کورد بە ناوی "بێهرووز مورادی" کوڕی "میرزرا"، خەڵکی "تازاوا"ی سەلاسی باوەجانی، بە تەقەی هێزە نیزامییەکانی حکوومەت لە سنووری نەوسوود پێکرا.
بەپێی ئاماری تۆمارکراو لە ناوەندی ئاماری ڕێکخراوی مافی مرۆڤی کوردپا لە مانگی گەلاوێژی ١٣٩٩، کۆی گشتیی ٢٧ کۆڵبەر لە کوردستانی ئێران کوژراون و بریندار بوون (٥ کوژراو و ٢٢ بریندار).
حوکمی ئێعدامی "مەحیەدین ئیبراهیمی"، زیندانیی سیاسیی کوردی خەڵکی گوندی "ئاڵکاوێـ"ـی شاری شنۆ، لە لقی ١٩ی دیوانی باڵای وڵات پشتڕاست کرایەوە.
لە ماوەی ڕۆژانی ڕابردوودا هاوڵاتییەکی کورد بە ناوی "شێرکۆ سیاوەشی" کوڕی "محەممەد"، تەمەن ٣٧ ساڵ و خەڵکی سەردەشت، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
چارەنووسی هاووڵاتییەکی کورد بە ناوی "مادیح فەتحی" کوڕی محەممەد خەڵکی شاری سنە، لە گرتنگەی ئیدارەی ئیتلاعاتی ئەو شارە، ناڕوونە.
ڕۆژی پێنجشەممە ٣٠ی گەلاوێژ، زیندانییەکی سیاسی بە ناوی "سالار خەلیل سدیقی هەمەدانی" لە گرتنگەی ئیدارەی ئیتلاعاتی ورمێ، بۆ زیندانی ناوەندیی ئەو شارە گەڕێندرایەوە.
ڕۆژی پێنجشەممە ٢٣ی گەلاوێژ، هاووڵاتییەکی کورد بە ناوی "ئامانج حەمزە لوویی" خەڵکی شاری بۆکان، لەلایەن هێزە ئەمنییەتییەکان دەسبەسەر کراوە.
ڕۆژی چوارشەممە ٢٩ی گەلاوێژ، "پەرویز ناسری" زیندانییەکی سیاسیی کورد، کوڕی سەعید خەڵکی شارەکی ئیسلام‌ئابادی ورمێ لە زیندانی ناوەندیی ورمێ ئازاد کرا.
ڕۆژی چوارشەممە ٢٩ی گەلاویژ، دوو مێرمنداڵی کورد بە ناوەکانی "ئاریا ئەمینی" تەمەن ١٥ ساڵ کوڕی "جەلال" و "هەورام نادری" تەمەن ١٧ ساڵ کوڕی "سدیق"، خەڵکی گوندی "بۆڕیەر" سەر بە شاری سەوڵاوا، لەلایەن هێزەکانی ئیتلاعاتی سپای پاسدارانەوە دەسبەسەر…
ئاژانسی هەواڵدەریی کوردپا
