ڕۆژی شەممە ٢٢ی خەرمانان، کۆڵبەرێکی کورد بە ناوی "فاتیح مەحموودی" کوڕی "عەلی"، تەمەن ٣٤ ساڵ و خەڵکی گوندی "قوڵقوڵە"ی شاری سەلاسی باوەجانی، لە ئەنجامی ڕاودوونانی هێزە نیزامییەکانی حکوومەت لە سنووری نەوسوود بریندار بوو.
ڕۆژی شەممە ٢٢ی خەرمانان، کۆڵبەرێکی کورد بە ناوی "شارام محەممەدی" خەڵکی ماکۆ، بەهۆی تەقەی هێزەکانی ئەرتشی تورکیە گیانی لەدەست دا، هەروەها کۆڵبەرێکی دیکە بە ناوی "جەعفەر ڕەهبەری" بەسەختی بریندار کرا.
ڕۆژی شەممە ٢٢ی خەرمانان، دوو هاووڵاتیی کورد بە ناوەکانی "محەممەد نەبەردی" و "محەممەد قەنبەروەند" خەڵکی پیرانشار، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزران.
لاوێکی کورد بە ناوی "یوونس خزری" کوڕی "مستەفا"، تەمەن ٢٢ ساڵ و خەڵکی گوندی "پووش ئاوێـ"ـی شنۆ، پاش تەواوبوونی ماوەی لێپرسینەوەکەی لە یەکێک لە گرتنگە ئەمنییەتییەکانی ورمێ بۆ زیندانی ناوەندیی ئەو شارە ڕاگوێزرا.
دیوانی باڵای وڵات "ئێعادەی دادڕەسیـ"ـی حەیدەر قوربانی، زیندانیی سیاسیی کوردی مەحکووم بە ئێعدامی ڕەت کردەوە.
ڕۆژی پێنجشەممە ٢٠ی خەرمانان، هاووڵاتییەکی کورد بە ناوی "هیوا عەزیزپوور" خەڵکی گوندی "دێوەزناو" سەر بە شاری سەوڵاوا، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
کۆڵبەرێکی مێرمنداڵ بە ناوی "مانی هاشمی" کوڕی سەید "هادی"، تەمەن ١٤ ساڵ و خەڵکی گوندی "شمشێر"ی پاوە، بەهۆی بەربوونەوە لە بەرزایی بریندار ببوو و بۆ نەشتەرگەری ڕەوانەی یەکێک لە نەخۆشخانەکانی تاران دەکرێت.
ئێوارەی ڕۆژی هەینی ٢١ی خەرمانان، سێ کاسبکاری لاوی مەریوانی لەلایەن هێزەکانی هەنگی سنووریی ئەو شار، دەسبەسەر و ڕەوانەی گرتنگەی مەریوان کران.
شاکر (فەرهاد) بێهرووزی، زیندانیی سیاسیی کورد لە گرتنگەی ناوەندیی ورمێ، لەلایەن لقی ٢ی دادگای ئینقلابی ورمێ، بە سەرۆکایەتی دادوەر "شێخلوو" بە تۆمەتی "بەغی و ئەندامبوون لە یەکێک لە حیزبە کوردییەکانی دژبەری حکوومەتی ئێران" بە ئێعدام مەحکووم…
کوردپا لە ١٠ی سێپتامبر، ڕۆژی جیهانیی پێشگرتن لە خۆکوژی، ڕاپۆرتێکی ئاماریی لە حاڵەتەکانی خۆکوژی لە کوردستانی ڕۆژهەڵات لە سەرەتای ساڵی ٩٩ـەوە تا ئێستا ڕاگەیاندووە.
ئاژانسی هەواڵدەریی کوردپا
