ئەمڕۆ پێنجشەممە ٢٣ی پووشپەڕ، مامۆستایانی شاری پیرانشار بۆ دووەمین جار لە بەرانبەر ناوەندی گەورەی ئیسلامی، لەمەڕ پشتیوانی لە مامۆستا مەلا "یوونس نەوخا" و ناڕەزایەتی دەربڕین لە دەسبەسەرکردنی ناوبراو لەلایەن هێزە ئەمنییەتییەکانەوە، کۆ بوونەوە.
ڕۆژی سێشەممە ۲۱ی پووشپەڕ، حوکمی لەسێدارەدانی زیندانییەک بە ناوی "ڕسووڵ مورادقولی" کوڕی ڕەحمەت خەڵکی شاری هەرسین سەر به پارێزگای کرماشان، لە زیندانی ناوەندیی ساری جێبەجێ کرا.
ڕۆژی سێشەممە ٢١ی پووشپەڕ، هاووڵاتییەکی کورد بە ناوی "خالید محەممەدسووری" تەمەن ٣٣ ساڵ کوڕی مستەفا خەڵکی گوندی "کانی بوداغـ"ـی بەخشی لاجانی پیرانشار پاش مانگێک دەسبەسەری بە بارمتەی ٣٠٠ ملیۆن تمەنی لە گرتنگەی ئیدارەی ئیتلاعاتی بۆکان ئازاد…
لە درێژەی دەسبەسەرکرانی هاووڵاتییان لە شاری شنۆ، ئەمڕۆ چوارشەممە ٢٢ی پووشپەڕ، دوو هاووڵاتیی دیکە بە ناوەکانی "سیامەند کەرامەت (ئالانی) و "پیرۆت تابناک" خەڵکی گوندی "سینگان"، لەلایەن هێزە ئەمنییەتییەکانەوە دەسبەسەر کران.
ڕۆژی سێشەممە ٢١ی پووشپەڕ، محەممەد فەدەوی کوڕی عەبدوڵڵا خەڵکی گوندی "مەلقەرەنیـ"ـی شاری سەقز، بە دانانی بارمتە لە زیندانی سنە ئازاد کرا.
ڕۆژی چوارشەممە ٢٢ی پووشپەڕ، مامۆستا "مەلا محەممەد تەهازادە" پێشنوێژی مزگەوتی گوندی "بێمزورتێـ"ـی شاری شنۆ، "عەبدولڕەحمان سادقی" دێهیاری ئەو گوندە و "فەرعان ئیبراهیمی"، ئەندامی شورای گوندەکە، لەلایەن هێزە ئەمنییەتییەکانەوە دەسبەسەر کران.
ئەمڕۆ چوارشەممە ٢٢ی پووشپەڕ، هاووڵاتییەکی کورد بە ناوی "محەممەد مەهجوور" خەڵکی گوندی "مەلقەرەنی" سەر بە شاری سەقز، بە دانانی ٧٠٠ ملیۆن تمەنی هەتا کاتی دادگاییەکەی ئازاد کراوە.
سەرلەبەیانیی ئەمڕۆ چوارشەممە ٢٢ی پووشپەڕ، هاووڵاتییەکی کورد بە ناوی "فەرهەنگ کەرامەت (ئالانی) "، تەمەن ٢٧ ساڵ کوڕی حەسەن خەڵکی گوندی "سینگانـ"ـی شنۆ، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار ڕاگوێزرا.
سەرلەبەیانیی ئەمڕۆ چوارشەممە ٢٢ی پووشپەڕ، هاووڵاتییەکی کورد بە ناوی "خۆشناو عەینی" تەمەن ٣٢ ساڵ کوڕی خدر خەڵکی گوندی "سینگانـ"ـی شنۆ، لەلایەن هێزە ئەمنییەتییەکانەوە دەسبەسەر کرا.
هاووڵاتییەکی کورد بە ناوی "یووسف مام قادری" خەڵکی شاری بۆکان، لە یەکێک لە گرتنگە ئەمنییەتییەکانی ورمێ دەسبەسەرە.
ئاژانسی هەواڵدەریی کوردپا
