پاش بڵاوبوونەوەی گرتە ڤیدیۆی شەهلا پەیغامی، دایکی فەرزاد و فەرهاد تەهازادە لە دەسبەسەرکراوانی خۆپێشاندانەکانی شنۆ، کە بۆ ڕزگارکردنی کوڕەکانی داوای بە هاناچوونی کردبوو، ڕۆژی چوارشەممە ٢٣ی سەرماوەزی ١٤٠١، بانگهێشتی ئیدارەی ئیتلاعاتی شنۆ کرا.
سونیا شەریفی تەمەن ١٧ ساڵ خەڵکی شاری ئاودانان کە لە پەیوەندی لەگەڵ خۆپێشاندانەکاندا لەلایەن هێزە ئەمنییەتییەکانەوە دەسبەسەر کرابوو، بە "موحاربە" تۆمەتبار کرا.
سەرچاوەیەکی ئاگادار بە کوردپای ڕاگەیاند: لە ڕەوتی پیاسەی بێدەنگیی خەڵکی کرماشان، کە لە ڕۆژی ١٨ی سەرماوەز لە تاقەوسان دەستی پێکرد، تەنیا هێزە ئەمنییەتی - سەرکوتکەرەکانی سپای پاسداران، ٨٦ کەسیان دەسبەسەر کردووە.
مامۆستا سەیفوڵڵا حوسینی، پێشنوێژی مزگەوتی خاتەمولئەنبیای شاری جوانڕۆ، لە لایەن هێزە ئەمنییەتییەکانەوە دەسبەسەر کرا و لە چارەنووسی هیچ زانیارییەک لەبەر دەستدا نییە.
هاووڵاتییەکی کورد بە ناوی "شەهریار عادڵی" تەمەن ٢٧ ساڵ کوڕی عەبدولڕەحیم خەڵکی شاری سەردەشت، بە هۆی ئەشکەنجەی قورسی هێزە ئەمنییەتییەکان لە گرتنگەی ئیدارەی ئیتلاعاتی ئەو شارە، گیانی لەدەست دا.
ڕۆژی شەممە ١٩ی سەرماوەز، دوو هاووڵاتی بە ناوەکانی "هیوا میرزایی" و "زاهیر مورادی" خەڵکی گوندی "بێمزورتێ"ی شاری شنۆ، بۆ جێبەجێکردنی حوکمەکەیان ڕەوانەی زیندانی ئەو شارە کران.
هاووڵاتییەکی کورد بە ناوی "محەممەد یوونسی" کوڕی ئەکبەر خەڵکی شاری دێهلۆڕان، لە لایەن لقی ٢ی دادگای ئینقلابی ئیلام جێگیر لە شاری دێهلۆڕان، بە سزای نەختی مەحکووم کرا.
ڕۆژی چوارشەممە ١٦ی سەرماوەز، محەممەدسدیق ئەمیری، ئەندامی هەیئەتی زانستیی گرووپی ژمێریاریی زانکۆی ئازادی سنە، لەلایەن هێزە ئەمنییەتییەکانەوە دەسبەسەر و بۆ شوێنێکی نادیار، ڕاگوێزراوە.
ئێوارەی ڕۆژی هەینی ١٨ی سەرماوەز، هاووڵاتییەک بە ناوی "مەنسوور محەممەدزادە" خەڵکی گوندی "تەنگیسەر" و دانیشتووی شارەکی زاگرۆسی سنە، لەلایەن هێزە ئەمنییەتییەکانەوە دەسبەسەر کراوە و بۆ شوێنێکی نادیار، ڕاگوێزراوە.
سامان یاسین (سەیدی)، هونەرمەندی کورد خەڵکی شاری کرماشان لەلایەن لقی ١٥ی دادگای ئینقلابی تاران، بە سەرۆکایەتیی دادوەر "سەڵەواتی" بە تۆمەتی "موحاربە" بە ئێعدام مەحکووم کرا.
ئاژانسی هەواڵدەریی کوردپا
