سەرلەبەیانیی ڕۆژی پێنجشەممە ٢٧ی ڕێبەندان، حوکمی لەسێدارەدانی زیندانییەک بە ناوی "نجومی مورادی" کوڕی فەتاح خەڵکی گوندی "هەرکیان" سەر بە شاری سەڵماس، لە زیندانی ناوەندیی ورمێ جێبەجێ کرا.
ڕۆژی پێنجشەممە ٢٧ی ڕێبەندان، دوو هاووڵاتیی کورد بە ناوەکانی "عەلی گوڵمحەممەدی و وەلی گوڵمحەممەدی" خەڵکی شاری بۆکان، هەر کامەیان بە دانانی بارمتەی ٣٠٠ میلیۆن تمەنی و بە شێوەی کاتی لە زیندانی ئەو شارە ئازاد کران.
ڕۆژی پێنجشەممە ٢٧ی ڕێبەندان، مەلاساحێب ئەحمەدی کە لە فەقێکانی مامۆستا ئیبراهیم کەریمی نەنەڵە، لە حوجرەی دینیی مزگەوتی گوندی نەنەڵەی سنەیە، بە دانانی بارمتە بە شێوەی کاتی لە زیندانی سنە، ئازاد کرا.
ئێوارەی ڕۆژی چوارشەممە ٢٦ی ڕێبەندان، کۆڵبەرێکی کورد بە ناوی "نێعمەت عەزیزی" تەمەن ٤٥ ساڵ، بە تەقەی هێزە نیزامییەکانی حکوومەت لە سنووری نەوسوود، بریندار کرا.
ڕۆژی پێنجشەممە ٢٠ی ڕێبەندان، هاووڵاتییەکی کورد بە ناوی "جەلال مازووجی" لەلایەن هێزە ئەمنییەتییەکانەوە دەسبەسەر کراوە و لە چارەنووسی زانیارییەکی ورد لەبەر دەستدا نییە.
ڕۆژی پێنجشەممە ٢٧ی ڕێبەندان، مامۆستا یوونس نەوخا، لە مامۆستایانی زانستی دینیی سەلاحەدینی ئەیووبیی شاری پیرانشار، بە دانانی بارمتەی ٥٠٠ میلیۆن تمەنی لە زیندانی ورمێ، ئازاد کرا.
ڕۆژی سێشەممە ٢٥ی ڕێبەندان، شیروان خزری و ئەیووب میرزایی، دوو هاووڵاتیی خەڵکی گوندی "بێمزۆرتێ"ی شنۆ، بە دانانی بارمتە لە زیندانی ئەو شارە ئازاد کران.
ئیدارەی ئیتلاعاتی سنە، بە تۆمارکردن و بڵاوکردنەوەی گرتە ڤیدیۆیەک لە مامۆستا ئیبراهیم نەنەڵە، پێشنوێژی مزگەوتی جامێعەی گوندی نەنەڵەی سنە، ناوبراوی ناچار بە داوای لێخۆشبوون لە مامۆستانی ئایینیی سەر بە حکوومەت کرد.
ڕۆژی چوارشەممە ٢٦ی ڕێبەندان، ئەمجەد ساعدی، چالاکی مەدەنیی خەڵکی مەریوان، بە دانانی بارمتە لە زیندانی ئەو شارە، ئازاد کرا.
ڕۆژی دووشەممە ٢٤ی ڕێبەندان، کۆبوونەوەی پێڕاگەیشتن بە ناڕەزایەتیدەربڕینی شەعبان محەممەدی، چالاکی سێنفیی مامۆستایان و ئەندامی هەیئەتی بەڕێوەبەریی ئەنجومەنی سێنفیی مامۆستایانی کوردستان- مەریوان، بە ئامادەبوونی پارێزەری دۆسییەکەی لە دادگای…
ئاژانسی هەواڵدەریی کوردپا
