دەسبەسەرکردن، لەسێدارەدان و تەقەی ڕاستەوخۆ لە ناڕازییان لە ڕەوتی بزووتنەوەی ژن، ژیان، ئازادی بەشێک لە کارنامەی کۆماری ئیسلامیی ئێران بۆ درێژەدان بە سەرکوتی ناڕەزایەتییەکان بووە.
شەوی یەکشەممە، ١٧ی بانەمەڕ، هاووڵاتییەکی کورد بە ناوی "مووسا ئیسماعیلی"، خەڵکی پەسوێی پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
عیباد حەبیبی، چالاکی مەدەنیی خەڵکی سنە لەلایەن لقی یەکی دادگای ئینقلابی ئەم شارە بە سەرۆکایەتیی دادوەر "سەعیدی" بە ساڵێک زیندانی تەعلیقی بۆ ماوەی ٣ ساڵ مەحکووم کراوە.
مەلا ساحیب ئەحمەدی لە قوتابییانی حوجرەی ئیمام نەواویی نەنەڵەی سنە بانگهێشتی دادگای تایبەتی ڕۆحانییەت لە هەمەدان کرا.
ڕۆژی هەینی ١٥ی بانەمەڕ، جەلال تەپاک هاووڵاتیی دەسبەسەرکراوی خەڵکی پیرانشار بە هۆی نەخۆشییەوە لە زیندانی نەغەدەوە بۆ نەخۆشخانەی ئەم شارە ڕاگوێزرا.
ڕۆژی یەکشەممە ١٧ی بانەمەڕ، کەیوان زەندکەریمی، هاووڵاتیی خەڵکی سنە ٥ ڕۆژ پاش ئازادکرانی کاتی، دیسانەوە لەلایەن هێزە ئەمنییەتییەکانەوە دەسبەسەر کرایەوە.
سیاوەش حەیاتی وتەبێژی کۆڕی ڕاوێژی چالاکانی مەدەنیی یارسان و دەبیری بەرەی یەکگرتووی کورد بۆ جێبەجێکرانی حوکمی زیندانەکەی بانگهێشتی لقی یەکی جێبەجێکاری سزا کەیفەرییەکانی دادسەرای گشتی و ئینقلابی شاری شاباد کرا.
ئیرەج سۆفی محەممەد زیندانیی مەزهەبی بە نیشانەی ناڕەزایەتیدەربڕین بە دۆخی خۆی لە زیندانی مەهاباد، مانی لە خواردن گرتووە.
پاش ناڕەزایەتییە بەربڵاوەکان لە شاری جوانڕۆ، ٨ هاووڵاتیی ناڕازی بە تەقەی هێزە سەرکوتکەرەکان گیانیان لەدەست دا و ژمارەیەکی بەرچاویش بریندار بوون.
ئاروین نیکپەی، هاووڵاتیی خەڵکی گوندی "نێ" سەر بە شاری مەریوان لە گرتنگەی ئیدارەی ئیتلاعاتی ئەم شارە هەوڵی خۆکوژیی داوە.
ئاژانسی هەواڵدەریی کوردپا
