ڕۆژی سێشەممە، ١٩ی بانەمەڕ، فاتح عوسمانی، مامۆستای خانەنشینکراوی قۆناغی سەرەتایی لە ڕەوتی ناڕەزایەتییەکانی مامۆستایانی سنە، لەلایەن هێزە ئەمنییەتییەکانەوە دەسبەسەر کرا.
ڕۆژی سێشەممە ١٩ی بانەمەڕ، لاوێکی کورد بە ناوی "فەرەیدوون نەبی"، خەڵکی پیرانشار، بە دانانی بارمتەی ٣ میلیارد تمەنی بە شێوەی کاتی لە زیندانی نەغەدە ئازاد کرا.
لە ماوەی ڕۆژانی ڕابردوودا، هاووڵاتییەک بە ناوی "عەلی لەتیفی"، کوڕی ئەحمەد و خەڵکی سەقز لەلایەن هێزە ئەمنییەتییەکانەوە دەسبەسەر کراوە.
ڕۆژی سێشەممە ١٩ی بانەمەڕ، فەرزاد سەفیخانپوور، مامۆستای کۆمەڵناسی و لە چالاکانی سێنفیی مامۆستایانی سنە لە ڕەوتی کۆبوونەوەیەکی ناڕەزایەتیدا، لەلایەن پۆلیسەوە دەسبەسەر کرا.
مامۆستا سەید جەلال ئەکبەری، پێشنوێژی هەینیی گوندی "دەگاگا" سەر بە شاری سەوڵاوا، بانگهێشتی دادگای تایبەتی ڕۆحانییەت لە هەمەدان کرا.
ڕۆژی دووشەممە ١٨ی بانەمەڕ، هاووڵاتییەک بە ناوی "عەزیز موراد شەمس"، تەمەن ٤٣ ساڵ بە هۆی تەقینەوەی یەکێک لە خومپارە بەجێماوەکانی کاتی شەڕ لە بەنداوی ئەزگلەی سەرپێڵ زەهاو بەتوندی بریندار بوو و بە هۆی قووڵیی برینەکانیەوە گیانی لەدەست دا.
زەکەریا خەیاڵ، منداڵی خەڵکی پیرانشار ڕۆژی ٢٩ی خەرمانانی ١٤٠١ بە تەقەی هێزە سەکوتکەرەکان و بەرکەوتنی گولـلە لە پشت و سینگ و دەستی گیانی لەدەست دا.
دەسبەسەرکردن، لەسێدارەدان و تەقەی ڕاستەوخۆ لە ناڕازییان لە ڕەوتی بزووتنەوەی ژن، ژیان، ئازادی بەشێک لە کارنامەی کۆماری ئیسلامیی ئێران بۆ درێژەدان بە سەرکوتی ناڕەزایەتییەکان بووە.
شەوی یەکشەممە، ١٧ی بانەمەڕ، هاووڵاتییەکی کورد بە ناوی "مووسا ئیسماعیلی"، خەڵکی پەسوێی پیرانشار، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
عیباد حەبیبی، چالاکی مەدەنیی خەڵکی سنە لەلایەن لقی یەکی دادگای ئینقلابی ئەم شارە بە سەرۆکایەتیی دادوەر "سەعیدی" بە ساڵێک زیندانی تەعلیقی بۆ ماوەی ٣ ساڵ مەحکووم کراوە.
ئاژانسی هەواڵدەریی کوردپا
