شەوی پێنجشەممە ٢٨ی بانەمەڕ، فارووق عەزیزی، کۆڵبەری خەڵکی گوندی "دربکە"ی پیرانشار لە نەخۆشخانەی "ئاشتی"ی سۆران لە هەرێمی کوردستانی عێراق، نەشتەرگەیی بۆ کرا.
شەوی چوارشەممە ٢٧ی بانەمەڕ، هاجەر سەعیدی، عەبدوڵڵا خەیرئابادی، کەماڵ کەریمی، شادمان عەبدی، حەبیبوڵڵا کەریمی، خەبات مەحموودی، سیروان مەحموودی و ئێقباڵ پیشکاری لە چالاکانی کرێکاریی سنە لەلایەن هێزە ئەمنییەتییەکانەوە دەسبەسەر کران.
سەرلەبەیانیی ڕۆژی پێنجشەممە ٢٨ی بانەمەڕ، حوکمی لەسێدارەدرانی دوو زیندانی بە ناوەکانی "جەمشید کەریمی" خەڵکی دێولان و دانیشتووی سنە و "مستەفا ساڵحی"، خەڵکی دزڵی سەر بە شاری سەوڵاوا لە زیندانی ناوەندیی سنە جێبەجێ کرا.
٧ هاووڵاتیی خۆپیشاندەر بە ناوەکانی "تەها ڕەسووڵیان"، تەمەن ٤٦ ساڵ و کوڕی ڕەحمان، "سینا دەشمیر"، تەمەن ٢٠ ساڵ و کوڕی کەماڵ، "ئەحمەد عەبدوڵڵاپوور"، تەمەن ٣٩ ساڵ و کوڕی عومەر، "موحسن (مستەفا) قادری"، تەمەن ٣٠ ساڵ و کوڕی تاهیر، "چیا…
شەوی چوارشەممە ٣٠ی خەرمانانی ١٤٠١، ڕامین ڕەمەزانی، خۆپیشاندەری خەڵکی شنۆ لە ڕەوتی بزووتنەوەی ژن، ژیان، ئازادیدا بە تەقەی هێزە سەرکوتکەرەکان دەستی چەپی بە سەختی بریندار بوو.
مامۆستا عەبدولجەبار لوتفی، وانەبێژ و پێشنوێژی مزگەوتی جامێعی ئێرشادی سنە، بانگهێشتی دادگای تایبەتی ڕۆحانییەتی هەمەدان کرایەوە.
مامۆستا مادێح کەرەمی، پێشنوێژی گوندی "هوویە" سەر بە شاری سنە، بانگهێشتی دادگای تایبەتی ڕۆحانییەت لە هەمەدان کرا.
سوهراب ئاویزکەن، ناڕازیی خەڵکی مەهاباد لەلایەن دادگای ئینقلابی ئەم شارەوە بە سێ ساڵ زیندان و سێ ساڵ دوورخرانەوە بۆ شاری زەنجان مەحکووم کرا.
ڕۆژی چوارشەممە ٣٠ی خەرمانانی ١٤٠١، دانش ڕەهنما لە ڕەوتی بزووتنەوەی ژن، ژیان، ئازادیدا بە تەقەی هێزە سەرکوتکەرەکان لە گوندی "بالوو" سەر بە ورمێ، گیانی لەدەست دا.
شەوی یەکشەممە، ٢٤ی بانەمەڕ، محەممەد دانیالی، ئەندامی گرووپی شاخەوانیی "بنار"ی ئاودانان، لەلایەن هێزە ئەمنییەتییەکانەوە لە شاری دێهلۆڕان دەسبەسەر کرا.
ئاژانسی هەواڵدەریی کوردپا
