سەرلەبەیانیی ڕۆژی یەکشەممە، یەکی سەرماوەز، هاووڵاتییەکی کورد بە ناوی "عوسمان قادری"، تەمەن ٥٤ ساڵ و کوڕی ئەبووبەکر و خەڵکی نەغەدە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە هەژماردکردنی دوو زیندانیی دیکە کە سەرلەبەیانی ڕۆژی سێشەممە، ٧ی سەرماوەز لە زیندانی ناوەندیی ئیلام لە سێدارە دراون، ڕێژەی لەسێدارەدراوانی ئەو ڕۆژە گەیشتە سێ کەس.
شەوی سێشەممە، ٧ی سەرماوەز، کۆڵبەرێک بە ناوی "پێدرام ڕەحیمی" تەمەن ١٨ ساڵ و خەڵکی سەقز، بە تەقەی هێزە نیزامییەکانی حکوومەت لە سنووری بانە بریندار کرا.
سەرلەبەیانیی ڕۆژی چوارشەممە، ٨ی سەرماوەز، ئەیووب کەریمی، زیندانیی عەقیدەتیی کوردی خەڵکی مەهاباد، پاش ١٤ ساڵ زیندان، لە زیندانی قزڵحساری کەرەج، لە سێدارە درا.
زیندانییەکی سیاسیی پێشوو و چالاکی مەدەنیی خەڵکی بانە، بە ناوی "هوشیار شەعبانی"، تەمەن ٢٨ ساڵ و کوڕی محەممەد، بە تۆمەتی "پڕوپاگەندە دژی نیزام"، بانگهێشتی لقی یەکی دادیاریی دادسەرای گشتی و ئینقلابی بانە کرا.
مامۆستا حوسێن عەلیمورادی، پێشنوێژی مزگەوتی "ئیبراهیم خەلیلوڵڵا"ی سنە و بەرپرسی قوتابخانەی زانستی دینیی "ئیبراهیم خەلیلوڵڵا"، لەلایەن دادگای تایبەتی ڕۆحانییەتی هەمەدانەوە، بە ١٦ مانگ زیندان مەحکووم کرا.
سەرلەبەیانیی ڕۆژی سێشەممە، ٧ی سەرماوەز، حوکمی لەسێدارەدرانی زیندانییەک بە ناوی "شەهرام محەممەدبەیگی"، خەڵکی ئیلام، لە زیندانی ناوەندیی ئەم شارە جێبەجێ کرا.
سەرلەبەیانیی ڕۆژی سێشەممە، ٧ی سەرماوەز، حوکمی لەسێدارەدرانی زیندانییەک بە ناوی "ئێقباڵ فەتحوڵڵاهی"، خەڵکی ئیلام، لە زیندانی قزڵحساری کەرەج جێبەجێ کرا.
ڕۆژی دووشەممە، ٦ی سەرماوەز، کامران ساختمانگەر، چالاکی کرێکاری، پاش ئامادەبوون لە لقی ٤ی جێبەجێکاری سزاکانی سنە، دەسبەسەر و بە مەبەستی جێبەجێکرانی سزاکەی ڕەوانەی زیندانی سنە کرا.
سەرلەبەیانیی ڕۆژی یەکشەممە، ٥ی سەرماوەز، کۆڵبەرێک بە ناوی "حەبیب ڕەزایی"، تەمەن ٥٢ ساڵ و خەڵکی جوانڕۆ، بە تەقەی هێزە نیزامییەکانی حکوومەت لە سنووری نەوسوود، بەتوندی بریندار کرا.
ئاژانسی هەواڵدەریی کوردپا
