محەممەد سۆهرابی، هاووڵاتیی خەڵکی پیرانشار و لە دەسبەسەرکراوانی بزووتنەوەی ژن، ژیان، ئازادی، لەلایەن لقی یەکی دادگای ئینقلابی مەهابادەوە بە ١٦ مانگ زیندانی تەعزیری و یەک ساڵ دوورخرانەوە بۆ پارێزگای زەنجان مەحکووم کرا.
سەرلەبەیانیی ڕۆژی دووشەممە، ٨ی خەزەڵوەر، حوکمی لەسێدارەدرانی زیندانییەک بە ناوی "خەلیل محەممەدی"، خەڵكی شاری هەرسین سەر بە پارێزگای کرماشان، لە زیندانی ناوەندیی خوڕەماوا، جێبەجێ کرا.
حوکمی زیندانی عوسمان ئیسماعیلی، چالاکی کرێکاریی خەڵكی سەقز، لە دیوانی باڵای وڵاتدا پشتڕاست کرایەوە.
ڕۆژی دووشەممە، ٨ی خەزەڵوەری ١٤٠٢، ئەحمەد محەممەدی، زیندانیی سیاسیی کوردی خەڵکی سەقز، پاش تەواوبوونی ماوەی حوکمەکەی لە زیندانی ئەم شارە ئازاد کرا.
ڕۆژی دووشەممە، ٨ی خەزەڵوەری ١٤٠٢، هاووڵاتییەکی کورد بە ناوی "شەفێع بابەکری"، تەمەن ٣٤ ساڵ و کوڕی ڕەشید، خەڵکی گوندی "کانی ڕەش" سەر بە شاری شنۆ، لەلایەن داداگی ئینقلابی ئەم شارەوە بە سەرۆکایەتیی دادوەر "ڕەزایی"، بە دوو ساڵ زیندانی تەعزیری و…
ڕۆژی شەممە، ٦ی خەزەڵوەری ١٤٠٢، سامان محەممەدی، هاووڵاتیی خەڵکی سنە، لەلایەن هیزە ئەمنییەتییەکانەوە دەسبەسەر کرا.
دوو هاووڵاتیی کورد بە ناوەکانی "سیامەک هەیاسی" و "ئالان داغدار"، خەڵکی گوندی "حاجیاوا"، سەر بە شاری بۆکان، پاش تێپەڕبوونی ٦ مانگ بەسەر دەسبەسەرکرانیاندا، هێشتا چارەنووسیان ناڕوونە و لە زیندانی ورمێ ڕاگیراون.
محەممەد خزری، لاوێکی تەمەن ٢٣ ساڵەی خەڵکی مەهابادە کە بۆ بەشداری لە خۆپیشاندانەکان لە سەربازی گەڕابووەوە. ناوبراو ڕۆژی ٧ی خەزەڵوەری ساڵی ١٤٠١، لە ڕەوتی بزووتنەوەی ژن، ژیان، ئازادی، پاش قەتڵی حکوومەتیی ژینا_مەهسا ئەمینی، بە زیاتر لە سەد…
شەوی شەممە، ٦ی خەزەڵوەری ١٤٠٢، ژنێکی لاو بە ناوی "ویدا دێهقان پیرانجخ"، کچی "عەبدولباقی"، خەڵکی گوندی "پیرانجخ" سەر بە ناوچەی سۆمای ورمێ و دانیشتووی گەڕەکی "کوشتارگا"، لەژێر ناوی "نامووس"، لەلایەن براکەیەوە کوژرا.
ڕۆژی یەکشەممە، ٧ی خەزەڵوەری ١٤٠٢، حەسەن دەرئوفتادە، باوکی کۆمار دەرئوفتادە لە گیانلەدەستداوانی بزووتنەوەی ژن، ژیان، ئازادی لە پیرانشار، بانگهێشتی ئیتلاعاتی ئەم شارە کرا و لێپرسینەوە و هەڕەشەی لێ کرا.
ئاژانسی هەواڵدەریی کوردپا
