ڕۆژی شەممە، ٢٨ی ڕێبەندانی ١٤٠٢، هەژار ئەحمەدی‌ئازەر، هاووڵاتیی خەڵکی گوندی "ناچیت"، سەر بە شاری بۆکان، بە دانانی بارمتە و بە شێوەی کاتی هەتا کۆتاییهاتنی قۆناغەکانی دادڕەسی لە یەکێک لە گرتنگە ئەمنییەتییەکانی ورمێ ئازاد کرا.
٢٩ی ڕێبەندانی ١٤٠٢؛ سەرەڕای تێپەڕبوونی دوو مانگ و ٢٢ ڕۆژ لە دەسبەسەرکرانی زەکەریا کەریمی، برای ئەیووب کەریمی، بەندکراوی عەقیدەتیی لەسێدارەدراو و خەڵکی مەهاباد، ناوبراو هێشتا دەسبەسەرە و چارەنووسی ناڕوونە.
لە ماوەی ڕۆژانی ڕابردوودا، کۆڵبەرێک بە ناوی "سەلمان ئەمیری"، خەڵکی مەریوان، بە هۆی بەربوونەوە لەبەرزاییەکانی سنووری نەوسوود بە سەختی بریندار بوو.
شەوی هەینی، ٢٧ی ڕێبەندان، دوو کۆڵبەر بە ناوەکانی "ئومید ئازەری" کوڕی عوسمان خەڵکی گوندی "گردە باسک" و "سەعدی مەحموودی"، کوڕی عومەر خەڵکی گوندی "هەنگەوێ"ی پیرانشار بە تەقەی هێزە نیزامییەکانی حکوومەت بریندار کران.
ڕۆژی پێنجشەممە، ٢٦ی ڕێبەندان، پێدرام حوسێن‌پەناهی، هاووڵاتیی خەڵکی گوندی "قورووچای"، سەر بە شاری دێولان و دانیشتووی سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
ڕۆژی ٢٨ی ڕێبەندانی ١٤٠٢، ١٥ مانگ بەسەر دەسبەسەرکرانی عوسمان مامە، لە دەسبەسەرکراوانی شۆڕشی ژینا لە بۆکان تێپەڕی، بەڵام تاکوو ئێستا هیچ زانیارییەک لەمەڕ چارەنووسی ناوبراو لەبەر دەستدا نییە و ئەمە نیگەرانیی بنەماڵەی ناوبراوی بە دواوە بووە.
سەرەڕای تێپەڕبوونی ٢٢ ڕۆژ لە دەسبەسەرکرانی دلێر زاهێدیپوور، هاووڵاتیی خەڵکی مەریوان، چارەنووسی ناوبراو ناڕوونە.
٢٣٥ کەس لە مامۆستایان و زانایانی ئایینیی سوننە مەزهەبی کوردستان، لە نامەیەکدا بۆ سەرۆکایەتیی هێزی دادوەری کۆماری ئیسلامیی ئێران و بەرپرسانی ئەمنییەتی، وێڕای ڕەتکردنەوەی ئەندامەتیی مامۆستا محەممەد خزرنژاد لە گرووپە توندئاژۆکان ڕایانگەیاند کە…
دوو هاووڵاتیی کورد بە ناوەکانی "زوبەیر حوسێن‌پەناهی" و "عەباس حوسێن‌پەناهی"، خەڵکی گوندی "قورووچای"، سەر بە شاری دێولان، پاش ٨ ڕۆژ لە دەسبەسەرکران، چارەنووسیان ناڕوونە و زانیارییەک لەمەر دۆخیان لەبەر دەستدا نییە.
هاووڵاتییەکی کورد بە ناوی "ئیبراهیم ڕەسووڵپوور"، خەڵکی نەغەدە، لەلایەن لقی ١٠٣ی دادگای سزاکانی ئەم شارەوە بە سەرۆکایەتیی دادوەر "حیجازی"، بە یەک ساڵ بەندکرانی تەعزیری سزا درا.
ئاژانسی هەواڵدەریی کوردپا
