ئاژانسی هەواڵدەریی كوردپا بۆ زیاتر زەق كردنەوەی پێشێلكاریی مافی مرۆڤ دەرهەق بە هاووڵاتییانی كورد لەناوچە كوردییەكانی ئێران حەفتانە راپۆرتێك لەژێر ناوی "روانگەی حەفتە"دا بڵاو دەكاتەوە.
کچە خوێندکارێکی مەهابادی دوابەدوای ئەوەی لە خوێندنگە دەرکرا، هەوڵی خۆکوژی دا و لە ئەنجامدا بووە هۆی گیان لەدەست دانی.
دوو کۆڵبەری کورد پاش ئەوەی‌کە بە تەقەی هێزە نیزامییەکانی حکوومەتی ئیسلامیی ئێران بریندار کراون، سزای نەختی و زیندانی کردنیشیان بۆ بڕاوەتەوە.
چالاکی سیاسیی کوردی خەڵکی شاری بۆکان بە بڕیاری وەزارەتی ئیتلاعات، ئیزنی چوونە دەرەوە لەوڵاتی ئێرانی پێ نەدرا.
حەفتەی یەکەمی مانگی سەرماوەزی ١٣٩٢ی هەتاوی
هێزە نیزامییەکانی حکوومەتی ئیسلامیی ئێران لە ناوچەکانی سەربە ئوستانی کرماشان، بە شێوەیەکی بەرین دەزگا و دیشی ماهوارەی هاووڵاتیانیان کۆ کردەوە.
خوشک و برایەکی بۆکانی پاش دوو حەفتە دەستبەسەر کران، هەتا ئیستا چارەنووسیان بە ناڕوونیی ماوەتەوە.
یەك مانگ لەدەستبەسەر كردنی مامۆستایەكی ئاینیی و پێش‌نوێژی مزگەوتی ئاوایی "سەراو" لەناوچەی ئاڵەشینی بۆكان تێدەپەڕێ و لەو ماوەیەدا دانیشتوانی ئاواییەكەش لەلایەن هێزە ئەمنیەتییەكانەوە بەروڕوی فشار بوونەتەوە.
بنەماڵەی چالاکێکی فەرهەنگیی کوردی خەڵکی شاری مەهاباد و نیشتەجێی دەرەوەی وڵات، لەلایەن دادگای ئینقلابی ئەو شارەوە بەرەوڕووی هەڕەشە و فشار بوونەتەوە.
هاووڵاتییەکی خەڵکی شاری سەقز لە ناوچەی بانە بە تەقەی هێزە چەکدارەکانی حکوومەتی ئیسلامیی ئێران کوژرا.
ئاژانسی هەواڵدەریی کوردپا
