گیرانی هاووڵاتییەكی خەڵكی سەردەشت و سزای ٥ ساڵ زیندان بۆ دوو هاووڵاتیی دیكە
12:20 - 8 خەزەڵوەر 2712
ئاژانسی كوردپا: هاووڵاتییەكی خەڵكی شاری سەردەشت لەلایەن هێزە ئەمنیەتییەكانی حكوومەتی ئیسلامیی ئێرانەوە دەستبەسەر و رەوانەی گرتنگە كرا و سزای ٥ ساڵ زیندانی بۆ دوو هاووڵاتیی دیكە بڕایەوە.
بەپێی راپۆرتی ئاژانسی هەواڵدەریی كوردپا، رۆژی شەممەی حەفتەی رابردوو هاووڵاتییەكی خەڵكی سەردەشت بەناوی \"محەممەد شەخسی\" خەڵكی سەردەشت، بە تاوانی هاوكاری و پێوەندی لەگەڵ یەكێك لە حیزبە كوردییەكانی ئۆپۆزیسیۆنی حكوومەتی ئیسلامیی ئێران لەلایەن ئیدارەی ئیتلاعاتی سەردەشتەوە بانگهێشت و دەستبەسەر كراوە.
سەرچاوەكە ئاماژەی بەوەش داوە، لە ماوەی یەك ساڵی رابردوودا ئەمە بۆ دووەمین جارە محەممەد شەخسی بانگهێشتی ناوەندە ئەمنیەتییەكان دەكرێت.
هەواڵنێری كوردپا لە درێژەی راپۆرتەكەیدا لە سەردەشتەوە ئاشكرای كردووە، دادگای شۆڕشی شاری سەردەشت سزای پێنج ساڵ زیندانی بۆ دوو هاووڵاتیی كوردی ئەو شارە دەركردووە.
فەرزاد شێخانی تەمەن ٢٣ ساڵ حەفتەی پێشوو لەلایەن لقی یەكەمی دادگای شۆڕشی شاری سەردەشتەوە بە تاوانی هاوكاری لەگەڵ حیزبێكی كوردی ئۆپۆزسیۆنی حكوومەت، پەڕینەوەی نایاسایی لە سنوور و پڕوپاگەندە بەدژی حكوومەت، بە ٤ ساڵ زیندانی تەعزیری سزا دراوە.
لە درێژەی راپۆرتی هەواڵنێری كوردپا هاتووە، هاووڵاتییەكی دیكەی خەڵكی سەردەشت بەناوی ئاكۆ تەمەن ٢٢ ساڵ و خەڵكی گوندی \"دەرماناوێ\"ی سەردەشت لەلایەن لقی یەكەمی دادگای ئەو شارەوە بە تاوانی تەبلیغ بەدژی حكوومەت بە یەك ساڵ زیندان سزا دراوە.
هەتا كاتی بڵاو بوونەوەی ئەم هەواڵە هیچ زانیارییەك لەمەڕ چارەنووس و شوێنی راگیرانی محەممەد شەخسی لەبەر دەستدا نیە.
بەپێی راپۆرتی ئاژانسی هەواڵدەریی كوردپا، رۆژی شەممەی حەفتەی رابردوو هاووڵاتییەكی خەڵكی سەردەشت بەناوی \"محەممەد شەخسی\" خەڵكی سەردەشت، بە تاوانی هاوكاری و پێوەندی لەگەڵ یەكێك لە حیزبە كوردییەكانی ئۆپۆزیسیۆنی حكوومەتی ئیسلامیی ئێران لەلایەن ئیدارەی ئیتلاعاتی سەردەشتەوە بانگهێشت و دەستبەسەر كراوە.
سەرچاوەكە ئاماژەی بەوەش داوە، لە ماوەی یەك ساڵی رابردوودا ئەمە بۆ دووەمین جارە محەممەد شەخسی بانگهێشتی ناوەندە ئەمنیەتییەكان دەكرێت.
هەواڵنێری كوردپا لە درێژەی راپۆرتەكەیدا لە سەردەشتەوە ئاشكرای كردووە، دادگای شۆڕشی شاری سەردەشت سزای پێنج ساڵ زیندانی بۆ دوو هاووڵاتیی كوردی ئەو شارە دەركردووە.
فەرزاد شێخانی تەمەن ٢٣ ساڵ حەفتەی پێشوو لەلایەن لقی یەكەمی دادگای شۆڕشی شاری سەردەشتەوە بە تاوانی هاوكاری لەگەڵ حیزبێكی كوردی ئۆپۆزسیۆنی حكوومەت، پەڕینەوەی نایاسایی لە سنوور و پڕوپاگەندە بەدژی حكوومەت، بە ٤ ساڵ زیندانی تەعزیری سزا دراوە.
لە درێژەی راپۆرتی هەواڵنێری كوردپا هاتووە، هاووڵاتییەكی دیكەی خەڵكی سەردەشت بەناوی ئاكۆ تەمەن ٢٢ ساڵ و خەڵكی گوندی \"دەرماناوێ\"ی سەردەشت لەلایەن لقی یەكەمی دادگای ئەو شارەوە بە تاوانی تەبلیغ بەدژی حكوومەت بە یەك ساڵ زیندان سزا دراوە.
هەتا كاتی بڵاو بوونەوەی ئەم هەواڵە هیچ زانیارییەك لەمەڕ چارەنووس و شوێنی راگیرانی محەممەد شەخسی لەبەر دەستدا نیە.
