گوشارەکان بۆ سەر بنەماڵەی ئەندامانی حیزبە کوردییەکان بەردەوامە
14:56 - 26 گەلاوێژ 2718
ئاژانسی کوردپا: ئیدارەی ئیتلاعاتی شاری سەقز، بنەماڵەی یەکێک لە ئەندامانی حیزبە کوردییەکانی بانگهێشتی ئەو ناوەندە حکوومەتییە کرد و داوای هاوکاری لێکردووە.
بەپێی هەواڵی گەیشتوو بە ئاژانسی هەواڵدەریی کوردپا، ڕۆژی چوارشەممە ٢٤ی گەلاوێژ، بنەماڵەی یەکێک لە ئەندامانی حیزبە کوردییەکان لە شاری سەقز، لە لایەن ئیدارەی ئیتلاعاتی ئەو شارەوە بانگهێشت و داوای هاوکارییان لێ کردوون.
سەرچاوەیەکی ئاگادار لەو بارەیەوە بە ئاژانسی کوردپای ڕاگەیاند: \"ئیتلاعاتی شاری سەقز بۆ چەندەمین جار لە ماوەی چەند حەوتووی ڕابردوودا بنەماڵەی چالاکێکی سیاسی سەر بە یەکێک لە حیزبە کوردییەکانیان بانگهێشت کردووە و سەرەڕای ئەوەیکە خوازیاری هاوکاری کردنی ناوبراو لەگەڵ ئیتلاعات بوون پێیان ڕاگەیاندووە، ئەگەر هاوکاری نەکەن لەگەڵ کوشتن بەرەوڕوو دەبنەوە\".
ئەو سەرچاوەیە لە درێژەدا دەڵێت: ئیدارەی ئیتلاعاتی شاری سەقز، لە حەوتووی ڕابردوودا، سێ جار ئەم هاووڵاتییە تەمەن ٦٠ ساڵەیان بانگهێشتی ئەو ناوەندە کردووە و داوای هاوکارییان لێ کردووە کە لەگەڵ دژکردەوە و ناڕەزایەتی ناوبراو بەرەوڕوو بوونەتەوە و لە کۆتاییشدا مەئموورانی ئیتلاعات هەڕەشەی کوشتنیان لێکردووە\".
ئەو سەرچاوەیە هەروەها دەڵێت: ساڵی رابردوو، یەکێک لە کچەکانی ئەو بنەماڵە بە تۆمەتی هاوکاری لەگەڵ یەکێک لە حیزبە کوردییەکان دەسبەسەر و دواتر بە دانانی بارمتە ئازاد کراوە.
هەر لەو پەیوەندییەدا، ئیدارەی ئیتلاعاتی شاری مەهاباد لە چەند ڕۆژی ڕابردوودا، چەند کەسێک لە ئەندامانی بنەماڵەی حیزبە کوردییەکانی بانگهێشتی ئەو ئیدارە ئەمنیەتییە کردووە و داوای لێ کردوون، کە بچن کوڕەکانیان کە ئەندامی حیزبە کوردییەکانن بیانهێننەوە.
بەپێی هەواڵی گەیشتوو بە ئاژانسی هەواڵدەریی کوردپا، ڕۆژی چوارشەممە ٢٤ی گەلاوێژ، بنەماڵەی یەکێک لە ئەندامانی حیزبە کوردییەکان لە شاری سەقز، لە لایەن ئیدارەی ئیتلاعاتی ئەو شارەوە بانگهێشت و داوای هاوکارییان لێ کردوون.
سەرچاوەیەکی ئاگادار لەو بارەیەوە بە ئاژانسی کوردپای ڕاگەیاند: \"ئیتلاعاتی شاری سەقز بۆ چەندەمین جار لە ماوەی چەند حەوتووی ڕابردوودا بنەماڵەی چالاکێکی سیاسی سەر بە یەکێک لە حیزبە کوردییەکانیان بانگهێشت کردووە و سەرەڕای ئەوەیکە خوازیاری هاوکاری کردنی ناوبراو لەگەڵ ئیتلاعات بوون پێیان ڕاگەیاندووە، ئەگەر هاوکاری نەکەن لەگەڵ کوشتن بەرەوڕوو دەبنەوە\".
ئەو سەرچاوەیە لە درێژەدا دەڵێت: ئیدارەی ئیتلاعاتی شاری سەقز، لە حەوتووی ڕابردوودا، سێ جار ئەم هاووڵاتییە تەمەن ٦٠ ساڵەیان بانگهێشتی ئەو ناوەندە کردووە و داوای هاوکارییان لێ کردووە کە لەگەڵ دژکردەوە و ناڕەزایەتی ناوبراو بەرەوڕوو بوونەتەوە و لە کۆتاییشدا مەئموورانی ئیتلاعات هەڕەشەی کوشتنیان لێکردووە\".
ئەو سەرچاوەیە هەروەها دەڵێت: ساڵی رابردوو، یەکێک لە کچەکانی ئەو بنەماڵە بە تۆمەتی هاوکاری لەگەڵ یەکێک لە حیزبە کوردییەکان دەسبەسەر و دواتر بە دانانی بارمتە ئازاد کراوە.
هەر لەو پەیوەندییەدا، ئیدارەی ئیتلاعاتی شاری مەهاباد لە چەند ڕۆژی ڕابردوودا، چەند کەسێک لە ئەندامانی بنەماڵەی حیزبە کوردییەکانی بانگهێشتی ئەو ئیدارە ئەمنیەتییە کردووە و داوای لێ کردوون، کە بچن کوڕەکانیان کە ئەندامی حیزبە کوردییەکانن بیانهێننەوە.
