گوشاری هێزە ئیتلاعاتییەکان بۆ ناشتنی تەرمی ئەبووبەکر مەعرووفی لە شەودا
13:48 - 27 خەزەڵوەر 2717
ئاژانسی کوردپا: هێزە ئیتلاعاتییەکان لە شاری بۆکان شەوی ڕابردوو پێش گەیشتنی تەرمی ئەبووبەکر مەعرووفی، گوشاریان خستووەتە سەر ئەو بنەماڵەیە کە لە شەودا تەرمەکەی بە خاک بسپێرن.
بەپێێ هەواڵی گەیشتوو بە ئاژانسی هەواڵدەریی کوردپا، کاتژمێر ٩ی شەوی ڕابردوو ٢٦ی خەزەڵوەر، هێزەکانی ئیتلاعات گوشاریان بۆ بنەماڵەی ئەبووبەکر مەعرووفی هێناوە، کە دەبێت بە شەودا تەرمی ئەو هاووڵاتییە کوردە بنێژرێت.
سەرچاوەیەکی ئاگادار لەو بارەیەوە بە هەواڵنێری کوردپا لە شاری بۆکان ڕایگەیاند: هێزەکانی ئیتلاعات بەو بنەماڵەیان ڕاگەیاندووە، کە دەبێت پێش لە کۆبوونەوەی خەڵک لە ماڵی ئەبووبەکر مەعرووفی تەرمەکەی لە گۆڕستان بە خاک بسپێردرێت.
ئەوە سەرچاوەیە هەروەها ئەوەشی خستەڕوو، مەئموورانی ئیتلاعات بە یەکێک لە نزیکانی ئەو بنەماڵەیان ڕاگەیاندووە، کە نابێت خەڵک لێرە کۆ ببنەوە و دەبێ بڵاوەیان پێ بکەن و ئەویش بە ناچاری بە خەڵکی ڕاگەیاندووە بڵاو ببنەوە.
ئەبووبەکر مەعروفی شوفێری یەکێک لە ماشینەکان بوو کە ئێوارەی پێنجشەممە لە کاتی گەیاندنی یارمەتی مرۆیی بە بوومەلەرزە لێداروەکانی پارێزگای کرماشان، لە ناوچەی سەلاسی باوەجانی تووشی ڕووداوی هاتووچۆ بوو و گیانی لە دەست دا.
لە کاتی هێناوەی تەرمی ئەو هاووڵاتییە کوردە بۆ شاری بۆکان لە شار و ناوچەکانی کوردستان لە شەقامە سەرەکییەکانی شارەکاندا، خەڵک بە پێشوازی تەرمی کاک ئەبووبەکرەوە ڕۆیشتن و ئەمەگناسی و وەفاداریان بە بنەماڵە و خەڵکی شاری بۆکان ڕاگەیاند.
بەپێێ هەواڵی گەیشتوو بە ئاژانسی هەواڵدەریی کوردپا، کاتژمێر ٩ی شەوی ڕابردوو ٢٦ی خەزەڵوەر، هێزەکانی ئیتلاعات گوشاریان بۆ بنەماڵەی ئەبووبەکر مەعرووفی هێناوە، کە دەبێت بە شەودا تەرمی ئەو هاووڵاتییە کوردە بنێژرێت.
سەرچاوەیەکی ئاگادار لەو بارەیەوە بە هەواڵنێری کوردپا لە شاری بۆکان ڕایگەیاند: هێزەکانی ئیتلاعات بەو بنەماڵەیان ڕاگەیاندووە، کە دەبێت پێش لە کۆبوونەوەی خەڵک لە ماڵی ئەبووبەکر مەعرووفی تەرمەکەی لە گۆڕستان بە خاک بسپێردرێت.
ئەوە سەرچاوەیە هەروەها ئەوەشی خستەڕوو، مەئموورانی ئیتلاعات بە یەکێک لە نزیکانی ئەو بنەماڵەیان ڕاگەیاندووە، کە نابێت خەڵک لێرە کۆ ببنەوە و دەبێ بڵاوەیان پێ بکەن و ئەویش بە ناچاری بە خەڵکی ڕاگەیاندووە بڵاو ببنەوە.
ئەبووبەکر مەعروفی شوفێری یەکێک لە ماشینەکان بوو کە ئێوارەی پێنجشەممە لە کاتی گەیاندنی یارمەتی مرۆیی بە بوومەلەرزە لێداروەکانی پارێزگای کرماشان، لە ناوچەی سەلاسی باوەجانی تووشی ڕووداوی هاتووچۆ بوو و گیانی لە دەست دا.
لە کاتی هێناوەی تەرمی ئەو هاووڵاتییە کوردە بۆ شاری بۆکان لە شار و ناوچەکانی کوردستان لە شەقامە سەرەکییەکانی شارەکاندا، خەڵک بە پێشوازی تەرمی کاک ئەبووبەکرەوە ڕۆیشتن و ئەمەگناسی و وەفاداریان بە بنەماڵە و خەڵکی شاری بۆکان ڕاگەیاند.
