کوژران و برینداربوونی سێ کۆڵبەر لە سنووری بانە

ئەمڕۆ چوارشەممە ٥ی گەلاوێژ، کۆڵبەرێک بە ناوی "شێرکۆ چاوشینی" کوڕی محەممەد خەڵکی گوندی "ورچەک" سەر بە شاری سەردەشت، بەهۆی تەقەی هێزە نیزامییەکان لە سنووری "سەرتەزێن"ی ئەو شارە، گیانی لەدەست دا و دوو کۆڵبەری دیکە بریندار بوون.

هەواڵنێری کوردپا لە شاری بانە شوناسی ئەو دوو کۆڵبەرە بریندارەی، "محەممەد" خەڵکی شاری سەقز و "دانا شەعبانی" خەڵکی گوندی "ئەنجێنێ"ی شاری بانە، ڕاگەیاندووە.

هێزە نیزامییەکان بەبێ ئاگادارکردنەوەی پێشووی ئەو کۆڵبەرانە لە سنووری "سەرتەزێن" تەقەیان لێ کردبوون.

کۆڵبەرانی بریندار لەو ڕووداوە لاقیان بریندار بووە و بۆ چارەسەریی پزیشکی ڕەوانەی نەخۆشخانەی سەلاحەدینی ئەیووبی کراون.

شێرکۆ چاوشینی خێزاندار و باوکی دوو منداڵە.