کوژران و برینداربوونی دوو کۆڵبەری کورد بە تەقەی هێزە نیزامییەکان
14:14 - 8 رەشەمه 2713
ئاژانسی کوردپا: دوو کۆڵبەری کوردی خەڵکی ناوچەکانی ورمێ و سەڵماس بە تەقەی هێزە نیزامییەکانی حکوومەتی ئیسلامیی ئێران کوژراو و بریندار بوون.
بەپێی راپۆرتی ئاژانسی هەواڵدەریی کوردپا؛ شەوی سێ‌شەممە رێکەوتی ٦ی رەشەمە کۆڵبەرێک بەناوی عارف پیرۆتی کوڕی مووسا و خەڵکی گوندی \"خانەگێ\"ی سەربە ناوچەی \'تەرگەوەڕ\"ی ورمێ، بە تەقەی هێزە نیزامییەکان لەسەر سنوور کوژرا.
دەگوترێت، کە ئەو کۆڵبەرە کوردە لەکاتی گەڕانەوە لە سنوور و لە شوێنێک بەناوی \"گەلی بەردەڕەش\" تەقەی لێکراوە و لە ئەنجامدا دەستبەجێ گیانی لەدەست داوە.
لەلایەکی دیکەوە، شەوی شەممەی ئەم حەفتەیە رێکەوتی ٣ی رەشەمە، کۆڵبەرێکی دیکەی کورد بەناوی وەهاب حوسێنی تەمەن ٢٦ ساڵ و کوڕی وەلایەت، لەلایەن هێزە ئینتزامییەکانەوە دراوەتە بەر دەستڕێژی گولـلە و بە توندی بریندار بووە.
ئەو کۆڵبەرە کوردە خەڵکی گوندی \"بڕوێشخۆران\"ی سەربە ناوچەی سەڵماس بووە، کەلە سەر سنووری نێوان سەڵماس و وڵاتی تورکیا، لەلایەن هێزە ئینتزامییەکانی حکوومەتی ئیسلامیی ئێرانەوە تەقەی لێکراوە.
چالاکانی مافی مرۆڤ لەمەڕ ئاماری کۆڵبەرانی کورد رایانگەیاندووە، پێویستە حکوومەتی ئسیلامیی ئێران گۆڕانکاری لە سیاسەتی خۆیدا پێک بێنێت و هاوکات دەبێ کۆمەڵگەی نێونەتەوەیش سەرنجی ئەم مەسەلەیە بدات و نەهێڵن چیدیکە کۆڵبەرانی کورد لە پێناو بژیویی ژیاندا لەلایەن هێزە نیزامییەکانی حکوومەتی ئیسلامیی ئێرانەوە بکوژرێن.
بەپێی راپۆرتی ئاژانسی هەواڵدەریی کوردپا؛ شەوی سێ‌شەممە رێکەوتی ٦ی رەشەمە کۆڵبەرێک بەناوی عارف پیرۆتی کوڕی مووسا و خەڵکی گوندی \"خانەگێ\"ی سەربە ناوچەی \'تەرگەوەڕ\"ی ورمێ، بە تەقەی هێزە نیزامییەکان لەسەر سنوور کوژرا.
دەگوترێت، کە ئەو کۆڵبەرە کوردە لەکاتی گەڕانەوە لە سنوور و لە شوێنێک بەناوی \"گەلی بەردەڕەش\" تەقەی لێکراوە و لە ئەنجامدا دەستبەجێ گیانی لەدەست داوە.
لەلایەکی دیکەوە، شەوی شەممەی ئەم حەفتەیە رێکەوتی ٣ی رەشەمە، کۆڵبەرێکی دیکەی کورد بەناوی وەهاب حوسێنی تەمەن ٢٦ ساڵ و کوڕی وەلایەت، لەلایەن هێزە ئینتزامییەکانەوە دراوەتە بەر دەستڕێژی گولـلە و بە توندی بریندار بووە.
ئەو کۆڵبەرە کوردە خەڵکی گوندی \"بڕوێشخۆران\"ی سەربە ناوچەی سەڵماس بووە، کەلە سەر سنووری نێوان سەڵماس و وڵاتی تورکیا، لەلایەن هێزە ئینتزامییەکانی حکوومەتی ئیسلامیی ئێرانەوە تەقەی لێکراوە.
چالاکانی مافی مرۆڤ لەمەڕ ئاماری کۆڵبەرانی کورد رایانگەیاندووە، پێویستە حکوومەتی ئسیلامیی ئێران گۆڕانکاری لە سیاسەتی خۆیدا پێک بێنێت و هاوکات دەبێ کۆمەڵگەی نێونەتەوەیش سەرنجی ئەم مەسەلەیە بدات و نەهێڵن چیدیکە کۆڵبەرانی کورد لە پێناو بژیویی ژیاندا لەلایەن هێزە نیزامییەکانی حکوومەتی ئیسلامیی ئێرانەوە بکوژرێن.
