کرێکارێکی لاو لە کرماشان بەهۆی بەربوونەوە لە بەرزایی گیانی لەدەست دا

هەواڵدەریی "ئیلنا" ڕۆژی هەینی ٤ی خەرمانان، بڵاوی کردەوە کە کرێکارێکی لاو لە کاتی کرێکاری بەهۆی بەربوونەوە لە بیناییەکی نیوەکارە لە شاری کرماشان، گیانی لەدەست داوە.

ئەو هەواڵدەرییە ڕایگەیاند: ئەو ڕووداوە لە شارەکی حافزییەی کرماشان ڕووی داوە و تەمەنی ئەو کرێکارە نزیکەی ٢٨ ساڵە.

ئیلنا هۆکاری گیانلەدەستدانی ئەو کرێکارەی بۆ پچڕانی پشتێنی دڵنیایی، لە نهۆمی دووەم گەڕاندووتەوە.

هەتا ئێستا شوناسی ئەو کرێکارە بۆ کوردپا ڕوون نەبووەتەوە.