کرێکارێکی دیکەی کورد لە سنە بەهۆی برق گرتوویەوە گیانی لەدەست دا
15:46 - 6 جۆزەردان 2713
ئاژانسی کوردپا: بە مردنی کرێکارێکی دیکەی کوردی خەڵكی شاری سنە لە کارگەی چەرم سازیی ئەو شارە، ئاماری مردنی کرێکارانی کورد بەهۆی روداوی کارەوە گەیشتە ٩ کەس.
بەپێی راپۆرتی ئاژانسی هەواڵدەریی کوردپا، رۆژی هەینی رێکەوتی ٣ی جۆزەردان کرێکارێکی کوردی کارگەی \"چەرم سازیی\" شاری سنە بە ناوی \"فەرەیدون شەهبازی\" لە کاتی کار کردندا و تووشی رووداوی برق گرتووی هاتبوو کە پاش راگواستن بۆ نەخۆشخانەی تەوحیدی شاری سنە گیانی لەدەست دا.
ئەو کرێکارە کوردە تەمەنی ٢٥ ساڵ و خێزاندار و هەروەها مندالێکیشی هەبووە کە ماوەی نزیک بە ١ ساڵ پێش ئێستاوە لەو کارگەیە سەرقالی کار کردن بووە.
یەکێک لە کرێکارانی ئەو کارگەیە بە ماڵپەڕی \"یەکیەتیی ئازادی کرێکارانی ئێران\"ی راگەیاندووە: کارگەی چەرم سازیی شاری سنە ٢٠ کرێکاری کوردی هەیە و ماوەی ٦ مانگە هیچ کام لە کرێکارانە مووچەیان پێنەدراوە.
ساڵانە رێژەیەکی بەرچاو لە کرێکارانی کورد بەهۆی کەمتەرخەمیی خاوەنکار و نەبوونی ئەمنیەت لە شوێنی کارەکەیان دەبنە قوربانی.
بەپێی راپۆرتی ئاژانسی هەواڵدەریی کوردپا، رۆژی هەینی رێکەوتی ٣ی جۆزەردان کرێکارێکی کوردی کارگەی \"چەرم سازیی\" شاری سنە بە ناوی \"فەرەیدون شەهبازی\" لە کاتی کار کردندا و تووشی رووداوی برق گرتووی هاتبوو کە پاش راگواستن بۆ نەخۆشخانەی تەوحیدی شاری سنە گیانی لەدەست دا.
ئەو کرێکارە کوردە تەمەنی ٢٥ ساڵ و خێزاندار و هەروەها مندالێکیشی هەبووە کە ماوەی نزیک بە ١ ساڵ پێش ئێستاوە لەو کارگەیە سەرقالی کار کردن بووە.
یەکێک لە کرێکارانی ئەو کارگەیە بە ماڵپەڕی \"یەکیەتیی ئازادی کرێکارانی ئێران\"ی راگەیاندووە: کارگەی چەرم سازیی شاری سنە ٢٠ کرێکاری کوردی هەیە و ماوەی ٦ مانگە هیچ کام لە کرێکارانە مووچەیان پێنەدراوە.
ساڵانە رێژەیەکی بەرچاو لە کرێکارانی کورد بەهۆی کەمتەرخەمیی خاوەنکار و نەبوونی ئەمنیەت لە شوێنی کارەکەیان دەبنە قوربانی.
