کرێکارانی یەکەی خاوێنکردنەوەی شارەداریی سەقز بەهۆی دواکەوتنی مووچەکەیان ناڕەزایەتییان دەربڕی
12:45 - 25 رەشەمه 2719
سەرلەبەیانیی ئەمڕۆ یەکشەممە ٢٥ی ڕەشەمە، کرێکارانی شارەداریی سەقز، بە نیشانەی ناڕەزایەتی دەربڕین لە دواکەوتنی پارەی ئیزافەکاری و مانگانەیان مانیان گرت.
کرێکارانی یەکەی خاوێنکردنەوەی شارەداریی سەقز، سەرەڕای پێنەدانی پارەی ١ مانگ و دواکەوتنی پارەی ئیزفەکاریی حەوت مانگیان لە سەروبەندی هاتنی نەورۆز، نیگەرانن.
بە وتەی یەکێک لەو کرێکارانە، بەهۆی خراپیی باری ئابووریی شارەداری سەقز، ئەگەری پێنەدانی پارەی دواکەوتووی ئەو ٨ مانگەیان زۆرە.
پێشتریش کرێکارانی ئاگرکوژێنەوە و شارسازیی سەقز، بەهۆی دواکەوتن و پێنەدانی پارەی ٤ مانگەیان، ناڕەزایەتییان دەربڕیبوو.
