کرماشان؛ شاعیرێک بانگهێشتی حیفازەتی ئیتلاعاتی سپای پاسداران کرا
10:24 - 9 بەفرانبار 2721
ڕۆژی دووشەممە ٦ی بەفرانبار، حیفازەتی ئیتلاعاتی سپای پاسداران لە شاری کرماشان، شاعیرێکی خەڵکی ئەو شارەی بە ناوی "کامڕان تەکووک" بانگهێشت و هەڕەشەی لێ کرد.
بە وتەی سەرچاوەیەکی ئاگادار، حیفازەتی ئیتلاعاتی سپای پاسداران، ئەو شاعێرەی بەهۆی هۆنینەوە چەند کۆپلە شێعرێک لەسەر "ڕووداوەکانی مانگی خەزەڵوەری ساڵی ٩٨" بانگهێشت و لێپرسینەوەی لەگەڵ کردووە.
ئەو سەرچاوەیە هەروەها دەڵێت: پاش بانگهێشت و لێپرسینەوە لەو شاعیرە، حیفازەتی ئیتلاعات هەڕەشەی لێ کردووە لە ئەگەری دووبارە هۆنینەوەی شێعر لەسەر ڕووداوەکانی مانگی خەزەڵوەر، لەگەڵ سزای زیندان بەرەڕوو دەبێتەوە.
ئەو شاعیرە کرماشانییە، لە گرتە ڤیدیۆیەکی نزیک ٢ خولەکیدا، بە شێعر باسی لە ڕووداوە خوێناویەکی مانگی خەزەڵوەر ساڵی ٩٨ دەکات.
