کرانەوەی پیشانگەیەکی نیگارکێشی لە بەرهەمەکانی ٢ ژنە هونەرمەندی کورد لەسنە + وێنـــە

ئاژانسی کوردپا: رۆژی رابردوو پیشانگایەکی نیگار کێشی لە بەرهەمەکانی دوو هونەرمەندی کورد لە نیگارخانەی ئیرشادی شاری سنە کرایەوە.

ماڵپەڕی \"نەوای ئاویەر\" لە راپۆرتێکدا بڵاوی کردەوە، پیشانگەیەکی نیگارکێشی لە بەرهەمە هونەرییەکانی \"شلێر قەدیمی\" و \"کوبڕا پندار\" بەڕووی هاووڵاتییاندا کرایەوەو بۆ ماوەیە ١ حەفتە بەردەوام دەبێت.

کوبرا پێندار هونەرمەندی نیگارکێش لەدایکبووی ساڵی ١٣٣١ی شاری سنەیە و یەکێک لە قوتابیانی هونەرمەندی گەورەی کورد \"هادی زیائەدینی\" بووە و بە شێوەی ئەکادیمی رشتەی نیگارکێشی نەیخوێندووە.

ماوەیەک پێش ئێستا پیشانگەەکی هاوشێوە لە بەرهەمە هونەرییەکانی، سارۆ حەیدەری لە نیگارخانەی شاری مەریوان بەڕێوەچوو.