کاڕاتەکارانی کورد شانازییەکی نوێیان تۆمار کرد
14:11 - 19 رەشەمه 2715
ئاژانسی کوردپا: لە کێبڕکێ نێونەتەوەییەکانی کاراتە، شێوازی فۆدۆکان کە لە کرماشان بەڕێوەچوو، تیمی دێگولان توانی ٦ مێداڵی زێڕ، ٥ زیو و ٥ بڕۆنز وەدەست بێنن.
بەپێی هەواڵی گەیشتوو بە ئاژانسی هەواڵدەریی کوردپا؛ لە کێبڕکێ نێونەتەوەییەکانی کاراتە کە بە بەشداریی ١٨ پارێزگای ئێران و وڵاتانی عێراق، تاجیکستان، ئەفغانستان و بەنگلادێش بە خانەخوێیەتی کرماشان بەڕێوەچوو، کاراتەکارەکانی دێگولان توانییان ٦ مێداڵی زێڕ وەدەست بینن.
لە بەشی ژناندا ئایدا ساعدمووچشی، مۆنا ناسری و کیژان فەقیری و لە بەشی پیاوانیشدا سینا قادرمەرزی، بێهنام محەممەدی و مارتیا دانش توانییان مێداڵیای زێڕی ئەم کێبڕکێیانە وەدەست بێنن. هەروەها سینا محەممەدی، فەرشید محەممەدی، یاسین سەیدی، سۆشین هەورامان و ئارام هەورامان، مێداڵیای زیویان لە مل کرد و ڕزگار ساعێدی، نیما محەممەدی، ئاروین محەممەدی، مۆبین مۆرادی و کارینا فەقیری، پلەی سێهەمیان وەدەستهێنا و مێداڵی بڕۆنزیان لە کارنامەی خۆیاندا تۆمار کرد.
سەرەڕای کەمیی ئیمکاناتی وەرزشی و پشتگوێ خستنی پرسی وەرزشی کوردستان، بەردەوام وەرزشکارانی کورد هەم لە ئاستی ئێراندا و هەم لە کێبڕکێ نێونەتەوەییەکاندا شانازی بۆ خۆیان و گەلەکەیان تۆمار دەکەن و کارناسان لەمبارەوە پێیان وایە ئەگەر وەک پێویست گرینگی بەم بەشە بدرێت، ئەوا کوردەکان پشکی شێریان بەردەکەوێت.
بەپێی هەواڵی گەیشتوو بە ئاژانسی هەواڵدەریی کوردپا؛ لە کێبڕکێ نێونەتەوەییەکانی کاراتە کە بە بەشداریی ١٨ پارێزگای ئێران و وڵاتانی عێراق، تاجیکستان، ئەفغانستان و بەنگلادێش بە خانەخوێیەتی کرماشان بەڕێوەچوو، کاراتەکارەکانی دێگولان توانییان ٦ مێداڵی زێڕ وەدەست بینن.
لە بەشی ژناندا ئایدا ساعدمووچشی، مۆنا ناسری و کیژان فەقیری و لە بەشی پیاوانیشدا سینا قادرمەرزی، بێهنام محەممەدی و مارتیا دانش توانییان مێداڵیای زێڕی ئەم کێبڕکێیانە وەدەست بێنن. هەروەها سینا محەممەدی، فەرشید محەممەدی، یاسین سەیدی، سۆشین هەورامان و ئارام هەورامان، مێداڵیای زیویان لە مل کرد و ڕزگار ساعێدی، نیما محەممەدی، ئاروین محەممەدی، مۆبین مۆرادی و کارینا فەقیری، پلەی سێهەمیان وەدەستهێنا و مێداڵی بڕۆنزیان لە کارنامەی خۆیاندا تۆمار کرد.
سەرەڕای کەمیی ئیمکاناتی وەرزشی و پشتگوێ خستنی پرسی وەرزشی کوردستان، بەردەوام وەرزشکارانی کورد هەم لە ئاستی ئێراندا و هەم لە کێبڕکێ نێونەتەوەییەکاندا شانازی بۆ خۆیان و گەلەکەیان تۆمار دەکەن و کارناسان لەمبارەوە پێیان وایە ئەگەر وەک پێویست گرینگی بەم بەشە بدرێت، ئەوا کوردەکان پشکی شێریان بەردەکەوێت.
