ژینگەی ئیلام لەلایەن ڕێکخراوی لایەنگرانی ژینگەوە خاوێن کرایەوە
20:14 - 3 خەزەڵوەر 2715
ئاژانسی کوردپا: ڕێکخراوی لایەنگرانی ژینگەی ئیلام بە مەبەستی پاراستنی ژینگەی ئەو پارێزگایە، دەستیان دایە خاوێنکردنەوەی شوێنەکانی هاتوچۆ و شوێنە گشتییەکانی ئەو شارە.
بەپێی ڕاپۆرتی گەیشتوو بە ئاژانسی هەواڵدەریی کوردپا، ڕێکخراوی مەدەنیی لایەنگرانی ژینگەی ئیلام، بە داکوتانی پارچەنووسراوە بە نێوەڕۆکی ژینگە پارێزی، دانانی کیسەی زبڵ لە شوێنە سەرەکییەکان و ئەو شوێنانەی کە ڕێوڕەسمی ئایینیی عاشوورا تێیدا بەڕێوە چوو، پێشیان بە پیسبوونی ژینگەی ئەو پارێزگایە گرت.
ئەو ڕێکخراوە دوابەدوای کۆتایی هاتنی ڕێوڕەسمی عاشوورا، هەڵمەتێکی خاوێنکردنەوەی ژینگەیان بەڕێوە بردووە.
![\"28862.jpg\"](\"{imagepath}/28862.jpg\")
ئەو هەنگاوە بە مەبەستی پەرەپێدانی خووی ژینگە پارێزی لەنێو هاووڵاتیانی پارێزگای ئیلام بەڕێوە چووە.
ساڵانە لە ڕێوڕەسمی تاسووعا و عاشوورا و هەروەها ڕێوڕەسمەکانی دیکە، کە لە نێو شەقامەکان و شوێنە گشتییەکان بەڕێوە دەچێت، زبڵێکی زۆر فڕێ دەدرێتە نێو ژینگە کە زیان بە ژینگە دەگەیەنێت.
حکوومەتی ئێران بە مەبەستی پێشگرتن لە پیسبوونی ژینگە خەمساردە و لەو پەیوەندییەدا هەنگاوێکی شیاو هەڵناگرێت .
بەپێی ڕاپۆرتی گەیشتوو بە ئاژانسی هەواڵدەریی کوردپا، ڕێکخراوی مەدەنیی لایەنگرانی ژینگەی ئیلام، بە داکوتانی پارچەنووسراوە بە نێوەڕۆکی ژینگە پارێزی، دانانی کیسەی زبڵ لە شوێنە سەرەکییەکان و ئەو شوێنانەی کە ڕێوڕەسمی ئایینیی عاشوورا تێیدا بەڕێوە چوو، پێشیان بە پیسبوونی ژینگەی ئەو پارێزگایە گرت.
ئەو ڕێکخراوە دوابەدوای کۆتایی هاتنی ڕێوڕەسمی عاشوورا، هەڵمەتێکی خاوێنکردنەوەی ژینگەیان بەڕێوە بردووە.
ئەو هەنگاوە بە مەبەستی پەرەپێدانی خووی ژینگە پارێزی لەنێو هاووڵاتیانی پارێزگای ئیلام بەڕێوە چووە.ساڵانە لە ڕێوڕەسمی تاسووعا و عاشوورا و هەروەها ڕێوڕەسمەکانی دیکە، کە لە نێو شەقامەکان و شوێنە گشتییەکان بەڕێوە دەچێت، زبڵێکی زۆر فڕێ دەدرێتە نێو ژینگە کە زیان بە ژینگە دەگەیەنێت.
حکوومەتی ئێران بە مەبەستی پێشگرتن لە پیسبوونی ژینگە خەمساردە و لەو پەیوەندییەدا هەنگاوێکی شیاو هەڵناگرێت .
