ژنێکی دیکە لە ورمێ خۆی سووتاند
17:54 - 2 رێبەندان 2712
ئاژانسی کوردپا: کچێک لە شاری ورمێ بە هۆی کێشەی بنەماڵەییەوە ئاگری لە جەستەی خۆی بەردا و دواتر بە هۆی کاریگەر بوونی برینەکانیەوە کۆتایی بە ژیانی هات.
بەپێی هەواڵی گەیشتوو بە ئاژانسی هەواڵدەریی کوردپا، رۆژی یەکشەممە رێکەوتی ١ی رێبەندان ژنێک بە ناوی \"فاتمە مەقسوودی\" تەمەن ٢٤ ساڵ و خاوەن ٢ منداڵ، لە نە خۆشخانەی شاری ورمێ بەهۆی کاریگەر بوونی برینەکانییەوە کە بەرئەنجام خۆ سووتاندن بوو، گیانی لەدەست دا.
سەرچاوەیەکی ئاگادار لەو رووداوە بە هەواڵنیری کوردپای راگەیاند: ئەو ژنە لە دایکبووی گوندی \"دێم قشڵاخ\"ی سەربە شاری \"ماکۆ\"یە کە ١٠ رۆژ پێش ئیستا بە هۆی کیشە بنەماڵەییەوە لە شاری ورمی ئاگری لە جەستەی خۆی بەردا و بەو هۆیەوە بووە قوربانی.
بەپێی ئاماری تۆمار کراو لە ناوەندی ئاماری ئاژانسی کوردپا، لە ماوەی نزیک بە ٢ حەفتەی رابردوودا لە ناوچە کوردنشینەکانی ئێران ٨ ژن بە هۆکاری جۆراوجۆر ئاگریان لە جەستەی خۆیان بەرداوە و لە ئەنجام دا گیانیان لە دەست داوە.
ئەو ئامارە رێژەییە و بەپشت بەستن بە ناوەندی ئاماری کوردپا بڵاو دەکرێتەوە، بێگومان ئاماری راستەقینەی خۆ سووتاندنی ژنان لە ناوچە کوردنشینەکانی ئێران دەکری لەو رێژەیە زیاتر بێت.
بەپێی هەواڵی گەیشتوو بە ئاژانسی هەواڵدەریی کوردپا، رۆژی یەکشەممە رێکەوتی ١ی رێبەندان ژنێک بە ناوی \"فاتمە مەقسوودی\" تەمەن ٢٤ ساڵ و خاوەن ٢ منداڵ، لە نە خۆشخانەی شاری ورمێ بەهۆی کاریگەر بوونی برینەکانییەوە کە بەرئەنجام خۆ سووتاندن بوو، گیانی لەدەست دا.
سەرچاوەیەکی ئاگادار لەو رووداوە بە هەواڵنیری کوردپای راگەیاند: ئەو ژنە لە دایکبووی گوندی \"دێم قشڵاخ\"ی سەربە شاری \"ماکۆ\"یە کە ١٠ رۆژ پێش ئیستا بە هۆی کیشە بنەماڵەییەوە لە شاری ورمی ئاگری لە جەستەی خۆی بەردا و بەو هۆیەوە بووە قوربانی.
بەپێی ئاماری تۆمار کراو لە ناوەندی ئاماری ئاژانسی کوردپا، لە ماوەی نزیک بە ٢ حەفتەی رابردوودا لە ناوچە کوردنشینەکانی ئێران ٨ ژن بە هۆکاری جۆراوجۆر ئاگریان لە جەستەی خۆیان بەرداوە و لە ئەنجام دا گیانیان لە دەست داوە.
ئەو ئامارە رێژەییە و بەپشت بەستن بە ناوەندی ئاماری کوردپا بڵاو دەکرێتەوە، بێگومان ئاماری راستەقینەی خۆ سووتاندنی ژنان لە ناوچە کوردنشینەکانی ئێران دەکری لەو رێژەیە زیاتر بێت.
