ژنێک لە بۆکان دەسبەسەر کرا
شەوی چوارشەممە ١٠ی سەرماوەز، ژنێک بە ناوی "چینی شەریفی‌بۆکانی" کچی "عومەر"، تەمەن ٣٦ ساڵ و خەڵکی بۆکان، لەلایەن هێزە ئەمنییەتییەکانەوە دەسبەسەر کرا.
ڕەزا شەریفی‌بۆکانی، چالاکی مافی مرۆڤ و برای ئەو هاووڵاتییە لەمبارەوە بە کوردپای ڕاگەیاندووە کە هێزە ئەمنییەتییەکان بەبێ بەڵگەی یاسایی هێرشیان کردووەتە سەر ماڵی خوشکەکەی و ناوبراویان دەسبەسەر کردووە.
ڕەزا شەریفی‌بۆکانی هەروەها وتوویەتی، بە تێپەڕبوونی ٤٨ کاتژمێر پاش دەسبەسەرکرانی خوشکەکەی، لە چارەنووسی ناوبراو زانیارییەکیان بەدەست نەهێناوە.
چینی شەریفی‌بۆکانی خێزاندار و خاوەن منداڵێکە.
ڕۆژی پێنجشەممە ٢٠ی خەزەڵوەر، عومەر شەریفی‌بۆکانی، زیندانیی سیاسیی پێشوو و باوکی چینی شەریفی‌بۆکانی، لەلایەن هێزە ئەمنییەتییەکانەوە دەسبەسەر کرا.
عومەر شەریفی‌بۆکانی ساڵ ٧١ بە تۆمەتی "ئەندامیەتی لە یەکێک لە حیزبە کوردییەکانی ئۆپۆزیسیۆنی حکوومەتی ئێران" دەسبەسەر و پاشان لەلایەن دادگای ئینقلابی مەهاباد بە ٧ ساڵ زیندانی تەعزیری مەحکووم کرابوو.
ئەو هاووڵاتییە ساڵی ٧٨ پاش کۆتایی ماوەی زیندانییەکەی لە زیندانی ورمێ ئازاد کرابوو.
هەتا کاتی بڵاوبوونەوەی ئەم هەواڵە، لە هۆکاری دەسبەسەرکران و تۆمەتی وەپاڵدراو دژی چینی شەریفی‌بۆکانی، زانیارییەک لەبەر دەستدا نییە.
