ڕێکخراوە مەدەنییەکانی مەریوان گیراوەیەک بۆ گەنبڕکردنی دەست و پل ئامادە دەکەن
ڕێکخراوە مەدەنییەکانی مەریوان بە پێکهێنانی تیمگەلێک دژ بە ڤایرۆسی کۆرۆنا، گیراوەیەک بۆ گەنبڕکردنی دەست و پل ئامادە دەکەن و لەنێو هاوڵاتییاندا بڵاوی دەکەنەوە.
ڤایرۆسی کۆرۆنا لە ئێران و کوردستان ڕۆژ بە ڕۆژ زیاتر تەشەنە دەستێنێت و حکوومەتی ئێران توانانی بەڕێوەبەریی قەیرانەکەی نییە و ڕێکخراوە خەڵکییەکان بە هانای کۆمەڵگاوە دەچن.
لە شارە جیاجیاکانی کوردستان، خەڵک و چالاکانی مەدەنی بە شێوەی خۆبەخشانە دژی ڤایرۆسی کۆرۆنا چالاکی دەکەن و گیانی هاووڵاتییان لەم پەتایە دەپارێزن.
پێشتر خەڵک بۆ خۆیان دەمامکیان لەنێو شاردا بڵاو دەکردەوە و دواتر پاش کۆکردنەوەی دەمامک و پێداویستییەکانی تر لەلایەن سپای پاسداران و دەستپەیوەندییەکانیانەوە، خەڵک بۆ خۆیان دەمامکیان دروست کرد و بڵاویان کردەوە.
هەروەها خەڵک بۆ خۆیان شەقام و کۆڵان و شوێنە گشتییەکانیان بە ماددەی دژەگەند پڕژاند و بە هانای کادرە دەرمانییەکانی نەخۆشخانەکانەوە چوون.
