چوار هاووڵاتی بۆ زیندانی سنە ڕاگوێزران
ڕۆژی چوارشەممە ٢٧ی ڕێبەندان، چوار هاووڵاتی بە ناوەکانی "زانکۆ مەسعوودی" تەمەن ٢٢ ساڵ کوڕی ڕەسووڵ، "محەممەد فەدەوی" تەمەن ٢٣ ساڵ کوڕی عەبدوڵڵا، "محەممەد مەهجوور" تەمەن ٣٤ ساڵ و "ڕەحمەتوڵڵا ساڵحیان یازی بڵاغی" تەمەن ٣٤ ساڵ کوڕی محەممەد خەڵکی گوندەکانی "ملقەرەنی" و "یازی بڵاغی" سەر بە شاری سەقز، لە گرتنگەی ئیدارەی ئیتلاعاتی سنە، بۆ زیندانی ناوەندیی ئەو شارە ڕاگوێزران.
ئەو چوار هاووڵاتییە لە ماوەی دەسبەسەرکرانیاندا لە دەستپێراگەیشتن بە پارێزەر و چاوپێکەوتن لەگەڵ بنەماڵەکانیان، بێبەری کرابوون.
ڕۆژی یەکشەممە ١٤ی سەرماوەز، زانکۆ مەسعوودی، محەممەد فەدەوی و ڕەحمەتوڵڵا ساڵحیان خەڵکی گوندەکانی "ملقەرەنی و یازی بڵاغی"، بە بێ بەڵگەی یاسایی لەلایەن هێزە ئەمنییەتییەکانەوە دەسبەسەر و بۆ لێپرسینەوە ڕەوانی گرتنگەی ئیدارەی ئیتلاعاتی سنە، کرابوون.
هەروەها ڕۆژی پێنجشەممە ٢٠ی خەزەڵوەر، محەممەد مەهجوور خەڵکی گوندی "ملقەرەنی" بە بێ بەڵگەی یاسایی لەلایەن هێزە ئەمنییەتییەکانەوە، دەسبەسەر کرابوو.
وێنە: محەممەد فەدەوی، ڕەحمەتوڵڵا ساڵحیان یازی بڵاغی و زانکۆ مەسعوودی
