چوار هاووڵاتی لە مەریوان دەسبەسەر کران
11:41 - 14 بانەمەڕ 2721
شەوی دووشەممە ۱۳ی بانەمەڕ، چوار هاووڵاتیی کورد بە ناوەکانی "کەژوان فەیزی"، "فواد فەیزی"، "شێرکۆ سوهرابی" و "ئاکۆ چاوگی"، خەڵکی گەڕەکی "داسەیرانـ"ـی مەریوان، دەسبەسەر کران.
ئەو چوار هاووڵاتییە دوای ئەوەیکە بەنیسبەت مانۆڕی سەلەفییە توندڕەوەکان ناڕەزایەتییان دەربڕیبوو، لەلایەن هێزە ئەمنییەتییەکانەوە دەسبەسەر کران و بۆ شوێنێکی نادیار ڕاگوێزراون.
شەوی شەممە ۱۱ی بانەمەڕ، سەلەفییە توندڕەوەکان لە گەڕەکی "داسەیران"، هێرشیان کردووەتە سەر ماڵی هاووڵاتییەک و دوو کەسیان بریندار کردووە.
وێنە: کەژوان فەیزی، شێرکۆ سوهرابی، ئاکۆ چاوگی و فواد فەیزی
