چاپ و بڵاو کرانەوەی دووەمین بەرگی پرۆژەی \"رۆچنەیەک بۆ ئەدەبی کوردی لەرۆژهەڵاتی کوردستان\"
20:22 - 1 بەفرانبار 2713
ئاژانسی کوردپا: بەرگی دووەمی پڕۆژەی ئەدەبیی \"رۆچنەیەک بۆ ئەدەبی كوردی لە رۆژهەڵاتی كوردستان\" تایبەت بە شێعری کوردی، چاپ و بڵاو كرایەوە.
بەپێی راپۆرتی ئاژانسی هەواڵدەریی کوردپا، پاش ١ ساڵ لەچاپ و بڵاو کرانەوەی بەرگی یەکەمی پرۆژەی ٥ بەرگیی \"رۆچنەیەک بۆ ئەدەبی کوردی لەرۆژهەڵاتی کوردستان\"، دووەمین بەرگی ئەو پرۆژە ئەدەبییە لە ئامادەكردنی \"شەریف فەلاح\" چالاکی فەرهەنگیی خەڵکی شاری سنە، چاپ و بڵاو كرایەوە.
![\"17521.jpg\"](\"{imagepath}/17521.jpg\")
ئەو چالاكە ئەدەبییە ماوەی زیاتر لە چوار سالە کە بەم پرۆژەیەوە سەرقاڵە كە سەرجەم ٥ بەرگ لەخۆ دەگرێت کە بۆ تاوتوێ، شیكاری و پۆلێن بەندیی قۆناغ و بزاوتە فەرهەنگی و ئەدەبییەكان تەرخان کراوە.
نووسەر لەم کتێبەدا دیمانە و وتووێژی لەگەڵ نووسەر، زمانەوان، شاعێر، چیرۆكنووس و چالاكانی فەرهەنگی و ئەدەبیی كوردی خەڵکی ناوچە کوردنشینەکان لە ئیلامەوە هەتا سەڵماس و ماکۆ و تەنانەت شاعیرە کوردەکانی ئوستانی خۆراسان پێکهێناوە.
لەو پڕۆژە ئەدەبیەدا كە هەر بەرگێكی بۆ ژانر و تەوەرێكی ئەدەبی لە كوردستانی ئێران تەرخان كراوە، بە مێتۆدی مێژوویی ـ لێكۆڵینەوەیی و دەست‌نیشان كردنی قۆناغ و بەستێنە ئەدەبییەكانی هەر ژانرێک كار كراوە و بەرفرەیی و بەشداریی زۆری ئەدیب و نووسەران و چالاكانی فەرهەنگی و ئەدەبیی كورد لە ناوچە كوردنشینەكان، هاتنە گۆڕی بیروڕای جیاواز لە دووتوێی بابەت، لێكۆڵینەوە و تەوەرەكانی وتووێژ لە خاڵە بەرچاو و بەرجەستەكانی ئەم پڕۆژە ئەدەبیەن و هەوڵێكی بچووک و سەرەتاییە لەراستای لێكۆڵینەوە و نووسینەوەی مێژووی ئەدەبی كوردی لە کوردستانی ئێران.
بەپێی راپۆرتی ئاژانسی هەواڵدەریی کوردپا، پاش ١ ساڵ لەچاپ و بڵاو کرانەوەی بەرگی یەکەمی پرۆژەی ٥ بەرگیی \"رۆچنەیەک بۆ ئەدەبی کوردی لەرۆژهەڵاتی کوردستان\"، دووەمین بەرگی ئەو پرۆژە ئەدەبییە لە ئامادەكردنی \"شەریف فەلاح\" چالاکی فەرهەنگیی خەڵکی شاری سنە، چاپ و بڵاو كرایەوە.
شەریف فەلاح، چالاکی فەرهەنگیی خەڵکی شاری سنە
بەرگی دووەمی ئەم پڕۆژەی ئەدەبییە كە تایبەتە بە شرۆڤە و شیکاریی قۆناغ و رەوتەکانی شێعری کلاسیک، بەرگری و هاوچەرخی کوردی لە رۆژهەڵات، لەلایەن بەڕێوەبەرایەتیی چاپ و بڵاوكردنەوەی سلێمانی و لە دووتوێی٧٢١ لاپەڕە و بە هەژماری ٥٠٠ دانە بڵاو کراوەتەوە.ئەو چالاكە ئەدەبییە ماوەی زیاتر لە چوار سالە کە بەم پرۆژەیەوە سەرقاڵە كە سەرجەم ٥ بەرگ لەخۆ دەگرێت کە بۆ تاوتوێ، شیكاری و پۆلێن بەندیی قۆناغ و بزاوتە فەرهەنگی و ئەدەبییەكان تەرخان کراوە.
نووسەر لەم کتێبەدا دیمانە و وتووێژی لەگەڵ نووسەر، زمانەوان، شاعێر، چیرۆكنووس و چالاكانی فەرهەنگی و ئەدەبیی كوردی خەڵکی ناوچە کوردنشینەکان لە ئیلامەوە هەتا سەڵماس و ماکۆ و تەنانەت شاعیرە کوردەکانی ئوستانی خۆراسان پێکهێناوە.
لەو پڕۆژە ئەدەبیەدا كە هەر بەرگێكی بۆ ژانر و تەوەرێكی ئەدەبی لە كوردستانی ئێران تەرخان كراوە، بە مێتۆدی مێژوویی ـ لێكۆڵینەوەیی و دەست‌نیشان كردنی قۆناغ و بەستێنە ئەدەبییەكانی هەر ژانرێک كار كراوە و بەرفرەیی و بەشداریی زۆری ئەدیب و نووسەران و چالاكانی فەرهەنگی و ئەدەبیی كورد لە ناوچە كوردنشینەكان، هاتنە گۆڕی بیروڕای جیاواز لە دووتوێی بابەت، لێكۆڵینەوە و تەوەرەكانی وتووێژ لە خاڵە بەرچاو و بەرجەستەكانی ئەم پڕۆژە ئەدەبیەن و هەوڵێكی بچووک و سەرەتاییە لەراستای لێكۆڵینەوە و نووسینەوەی مێژووی ئەدەبی كوردی لە کوردستانی ئێران.
