چارەنووسی \"زارا محەمەدی\"، ئەندامی دەسبەسەرکراوی \"نۆژین\" هێشتا ناڕوونە
15:44 - 7 جۆزەردان 2719
ئاژانسی کوردپا: هێزە ئیتلاعاتییەکان لە دانی هەر جۆرە وڵامێکی ڕوون سەبارەت بە چارەنووس و شوێنی ڕاگیرانی یەکێک لە ئەندامانی دەسبەسەرکراوی ئەنجومەنی فەرهەنگی- کۆمەڵایەتیی \"نۆژین\"، خۆیان دەبوێرن.
بەپێی ڕاپۆرتی گەیشتوو بە ئاژانسی هەواڵدەریی کوردپا، هێزە ئیتلاعاتییەکان، لە دانی وڵامێکی ڕوون سەبارەت بە چارەنووسی \"زارا محەمەدی\"، ئەندامی ئەنجومەنی فەرهەنگی- کۆمەڵایەتیی \"نۆژین\"، خۆیان دەبوێرن.
یەکێک لە ئەندامانی ئەنجومەنی فەرهەنگی- کۆمەڵایەتیی \"نۆژین\" لەو بارەیەوە بە ئاژانسی هەواڵدەریی کوردپای ڕاگەیاند: \"سەرەڕای بەدواداچوونەکانی بنەماڵەی محەمەدی، ئەنجومەنی نۆژین و چالاکانی مەدەنی، هێزە ئیتلاعاتییەکان لە دانی هەر جۆرە زانیارییەکی ورد، سەبارەت بە تۆمەتی وەپاڵدراوی زارا محەمەدی، خۆیان دەبوێرن.\"
ئەو ئەندامەی ئەنجومەنی فەرهەنگی- کۆمەڵایەتی \"نۆژین\" ڕایگەیاند: \"پارێزەری دۆسیەی زارا محەمەدی، بە شێوەی یاسایی بەدواداچوون بۆ دۆسیەی ناوبراو و شوێنی ڕاگیران و چارەنووسی دەکات.\"
سەرەڕای هەوڵی بنەماڵە و پارێزەری \"زارا محەمەدی\" بۆ ئاگاداربوون لە چارەنووس و شوێنی ڕاگیرانی و هەروەها هەوڵی چالاکانی مەدەنی و هاووڵاتییانی کوردستان، لە تۆڕە کۆمەڵایەتییەکان، بە وەرێخستنی کەمپینێک بۆ ئازادیی زارا محەمەدی، هەتاکوو ئێستا، چارەنووسی ئەو ئەندامەی ئەنجومەنی فەرهەنگی-کۆمەڵایەتی \"نۆژین، ناڕوونە.
هەر لەم پەیوەندییەدا، ڕۆژی دووشەممە، ٦ی جۆزەردان، ئەندامانی ئەنجومەنی فەرهەنگی- کۆمەڵایەتیی \"نۆژین\"، لە بەرانبەر دادگوستەریی سنەدا کۆبوونەوەی ناڕەزایەتییان بەڕێوەبرد.
ڕۆژی یەکشەممە، ٥ی جۆزەردان، دوو چالاکی مەدەنیی کورد بە ناوەکانی \"ئیدریس مینبەری و ڕێبوار مینبەری\"، خەڵکی سنە و ئەندامی ئەنجومەنی فەرهەنگی- کۆمەڵایەتیی نۆژین، ئازاد کران و \"زارا محەمەدی\"، ئەندامی تری دەسبەسەرکراوی ئەم ئەنجومەنە، هێشتا لە گرتنگەدایە.
ڕۆژی پێنجشەممە، ٢ی جۆزەردان، سێ چالاکی مەدەنیی کورد بە ناوەکانی \"ئیدریس مینبەری، زارا محەمەدی و ڕێبوار مینبەری\"، خەڵکی شاری سنە، لە لایەن هێزە ئیتلاعاتییەکانەوە دەسبەسەر کران.
بەپێی ڕاپۆرتی گەیشتوو بە ئاژانسی هەواڵدەریی کوردپا، هێزە ئیتلاعاتییەکان، لە دانی وڵامێکی ڕوون سەبارەت بە چارەنووسی \"زارا محەمەدی\"، ئەندامی ئەنجومەنی فەرهەنگی- کۆمەڵایەتیی \"نۆژین\"، خۆیان دەبوێرن.
یەکێک لە ئەندامانی ئەنجومەنی فەرهەنگی- کۆمەڵایەتیی \"نۆژین\" لەو بارەیەوە بە ئاژانسی هەواڵدەریی کوردپای ڕاگەیاند: \"سەرەڕای بەدواداچوونەکانی بنەماڵەی محەمەدی، ئەنجومەنی نۆژین و چالاکانی مەدەنی، هێزە ئیتلاعاتییەکان لە دانی هەر جۆرە زانیارییەکی ورد، سەبارەت بە تۆمەتی وەپاڵدراوی زارا محەمەدی، خۆیان دەبوێرن.\"
ئەو ئەندامەی ئەنجومەنی فەرهەنگی- کۆمەڵایەتی \"نۆژین\" ڕایگەیاند: \"پارێزەری دۆسیەی زارا محەمەدی، بە شێوەی یاسایی بەدواداچوون بۆ دۆسیەی ناوبراو و شوێنی ڕاگیران و چارەنووسی دەکات.\"
سەرەڕای هەوڵی بنەماڵە و پارێزەری \"زارا محەمەدی\" بۆ ئاگاداربوون لە چارەنووس و شوێنی ڕاگیرانی و هەروەها هەوڵی چالاکانی مەدەنی و هاووڵاتییانی کوردستان، لە تۆڕە کۆمەڵایەتییەکان، بە وەرێخستنی کەمپینێک بۆ ئازادیی زارا محەمەدی، هەتاکوو ئێستا، چارەنووسی ئەو ئەندامەی ئەنجومەنی فەرهەنگی-کۆمەڵایەتی \"نۆژین، ناڕوونە.
هەر لەم پەیوەندییەدا، ڕۆژی دووشەممە، ٦ی جۆزەردان، ئەندامانی ئەنجومەنی فەرهەنگی- کۆمەڵایەتیی \"نۆژین\"، لە بەرانبەر دادگوستەریی سنەدا کۆبوونەوەی ناڕەزایەتییان بەڕێوەبرد.
ڕۆژی یەکشەممە، ٥ی جۆزەردان، دوو چالاکی مەدەنیی کورد بە ناوەکانی \"ئیدریس مینبەری و ڕێبوار مینبەری\"، خەڵکی سنە و ئەندامی ئەنجومەنی فەرهەنگی- کۆمەڵایەتیی نۆژین، ئازاد کران و \"زارا محەمەدی\"، ئەندامی تری دەسبەسەرکراوی ئەم ئەنجومەنە، هێشتا لە گرتنگەدایە.
ڕۆژی پێنجشەممە، ٢ی جۆزەردان، سێ چالاکی مەدەنیی کورد بە ناوەکانی \"ئیدریس مینبەری، زارا محەمەدی و ڕێبوار مینبەری\"، خەڵکی شاری سنە، لە لایەن هێزە ئیتلاعاتییەکانەوە دەسبەسەر کران.
