پەرەستاران لە نەخۆشخانەکانی دوو پارێزگای کوردستان مووچەیان وەرنەگرتووە
13:56 - 5 رێبەندان 2717
ئاژانسی کوردپا: پەرەستاران لە نەخۆشخانەکانی پارێزگای سنە و کرماشان سەرجەم ماوەی ٢٠ مانگە مووچەیان وەرنەگرتووە.
هەواڵدەریی \"تەسنیم\"ی کرماشان نزیک لە سپای پاسداران، لە زاری هەیئەت مودیرەی نیزامی پەرەستاری ئەو شارە بڵاوی کردەوە، کە پەرەستارانی پارێزگای کرماشان ماوەی ٦ مانگە بەبێ مووچە کار دەکەن.
عەلی‌ئەکبەر وەیسی دەڵێت: پەرەستارەکانی پارێزگای کرماشان لە ٦ مانگی ڕابردووەوە هیچ مووچەیەکیان وەرنەگرتووە و لەو باریەوە بیمە بە بەڵێنەکانی خۆی پێبەند نەبووە.
بە وتەی ئەو بەرپرسە حکوومەتییە، لە پاڕێزگای کرماشان، ٣٥٠٠ پەرەستار خەریکی کارکردن و لەو ڕێژیەش ٢٢٥٠ کەسیان بڕوانامەی کارناسی و کارناسی باڵایان هەیە.
لە لایەکی دیکەوە، پەرەستاران لە نەخۆشخانەکانی شاری سنە، ماوەی ٨ مانگە پارەی ئیزافەکاریان وەرنەگرتووە و ئەمەش کێشەی بۆ بنەماڵەکانیان دروست کردووە.
بە وتەی یەکێک لە پەرەستارانی نەخۆشخانەی شاری سنە، لە مانگی بانەمەڕی ئەمساڵدا هەتاکوو ئێستە، پارەی ئیزافەکاریان وەرنەگرتووە و بەرپرسانی نەخۆشخانەش لەم بارەوە کەمتەرخەمییان کردووە.
ئەو پەرەستارە لە درێژەدا دەڵێت: ئەو بڕە پارەیە کە بە ئێمە دەدرێت، بە نیسبەت ئەو کارەی کە دەیکەن، \"هیچ نییە\" ئەمەش وەڵامدەری کێشە و گرفتەکانمان نییە.
هەر لەو پەیوەندییەدا، ژمارەیەک لە پەرەستارانی شاری سەقزیش، ماوەی شەش مانگە مووچەی سەرەکی و ئیزافەکاریان وەرنەگرتووە.
بەرپرسانی حکوومەتی لەو شارە دواکەوتنی مووچەی شەش مانگی پەرەستارانیان، بۆ نەبوونی پارەی گەڕاندووتەوە.
هەواڵدەریی \"تەسنیم\"ی کرماشان نزیک لە سپای پاسداران، لە زاری هەیئەت مودیرەی نیزامی پەرەستاری ئەو شارە بڵاوی کردەوە، کە پەرەستارانی پارێزگای کرماشان ماوەی ٦ مانگە بەبێ مووچە کار دەکەن.
عەلی‌ئەکبەر وەیسی دەڵێت: پەرەستارەکانی پارێزگای کرماشان لە ٦ مانگی ڕابردووەوە هیچ مووچەیەکیان وەرنەگرتووە و لەو باریەوە بیمە بە بەڵێنەکانی خۆی پێبەند نەبووە.
بە وتەی ئەو بەرپرسە حکوومەتییە، لە پاڕێزگای کرماشان، ٣٥٠٠ پەرەستار خەریکی کارکردن و لەو ڕێژیەش ٢٢٥٠ کەسیان بڕوانامەی کارناسی و کارناسی باڵایان هەیە.
لە لایەکی دیکەوە، پەرەستاران لە نەخۆشخانەکانی شاری سنە، ماوەی ٨ مانگە پارەی ئیزافەکاریان وەرنەگرتووە و ئەمەش کێشەی بۆ بنەماڵەکانیان دروست کردووە.
بە وتەی یەکێک لە پەرەستارانی نەخۆشخانەی شاری سنە، لە مانگی بانەمەڕی ئەمساڵدا هەتاکوو ئێستە، پارەی ئیزافەکاریان وەرنەگرتووە و بەرپرسانی نەخۆشخانەش لەم بارەوە کەمتەرخەمییان کردووە.
ئەو پەرەستارە لە درێژەدا دەڵێت: ئەو بڕە پارەیە کە بە ئێمە دەدرێت، بە نیسبەت ئەو کارەی کە دەیکەن، \"هیچ نییە\" ئەمەش وەڵامدەری کێشە و گرفتەکانمان نییە.
هەر لەو پەیوەندییەدا، ژمارەیەک لە پەرەستارانی شاری سەقزیش، ماوەی شەش مانگە مووچەی سەرەکی و ئیزافەکاریان وەرنەگرتووە.
بەرپرسانی حکوومەتی لەو شارە دواکەوتنی مووچەی شەش مانگی پەرەستارانیان، بۆ نەبوونی پارەی گەڕاندووتەوە.
