پێنج هاووڵاتیی کورد لە شارەدێی "نێـ"ـی مەریوان دەسبەسەر کران
14:02 - 22 خەزەڵوەر 2721
سەرلەبەیانیی ئەمڕۆ شەممە ڕێکەوتی ٢٢ی خەزەڵوەر، هێزەکانی حکوومەتی ئێران پێنج هاووڵاتیی کوردیان لە شارەدێی "نێـ"ـی مەریوان دەسبەسەر کرد.
سەرچاوەی ئاگاداری کوردپا شوناسی دەسبەسەرکراوەکانی بەم شێوەیە ڕاگەیاند: "محەممەد ئەحمەدی کوڕی عومەر، فەرید درەخشانی کوڕی حامد، کەیوان مینوویی کوڕی لەتیف، ئیدریس بەهرامیان کوڕی سەعید و عەبدولڕەحمان ئەفشار کوڕی ڕەزا".
هێزە ئەمنییەتییەکانی حکوومەت ماڵی ئەو هاووڵاتییانەیان پشکنیوە و دەستیان بەسەر کەلوپەلی کەسیی (مۆبایل و...) ناوبراواندا گرتووە.
هەتا ئێستا لە هۆکاری دەسبەسەرکردن و شوێنی ڕاگیرانی ئەو هاووڵاتییانە زانیارییەک لەبەر دەستدا نییە.
