پیرانشار/هاووڵاتییەکی دیکەی کورد بووە قوربانیی تەقینەوەی مین
20:11 - 1 بانەمەڕ 2714
ئاژانسی کوردپا: هاووڵاتییەکی ناوچەی، کە بە مەبەستی کۆکردنەوە گژوگیای بەهاری سەردانی کوێستانەکانی نزیک سنووری کردبوو، بەهۆی تەقینەوەی مین لاقێکی پەڕی.
بەپێی راپۆرتی ئاژانسی هەواڵدەریی کوردپا؛ عەلی ئەنباری تەمەن ٣٥ ساڵ و کوڕی محەمەد حەسۆ و خەڵکی کۆنەخانێی پیرانشار کە هاوڕێ لەگەڵ بنەماڵەکەی بۆ کۆبوونەوەی گیای بەهاری چووبوونە کوێستانەکانی سنووری تەمەرچین، بەهۆی تەقینەوەی مینی بەجیماوی شەڕی ٨ ساڵەی نێوان وڵاتی ئێران و عێراق لاقێکی لەدەست دا.
ئەو هاووڵاتییە کوردە، رێکەوتی ٣١ی خاکەلێوەی ئەمساڵ لە سنووری تەمەرچین و لە دیوی ئێران تووشی ئەو رووداوە هاتووەو بە توندی بریندار بووە.
عەلی ئەنباری بە مەبەستی چارەسەریی برینەکانی رەوانەی نەخۆشخانەی پیرانشار کراوە و هەنووکە لە ژێر چاوەدێریی پزیشکی دایە.
لە رۆژانی رابردووشدا منداڵێکی تەمەن ١٠ ساڵەی خەڵکی گوندی شێخ سەڵەی سەربە شاری سەلاسی باوەجانی لە کاتی یاری کردندا بەهۆی تەقینەوەی مین بریندار بوو.
بەپێی راپۆرتی ئاژانسی هەواڵدەریی کوردپا؛ عەلی ئەنباری تەمەن ٣٥ ساڵ و کوڕی محەمەد حەسۆ و خەڵکی کۆنەخانێی پیرانشار کە هاوڕێ لەگەڵ بنەماڵەکەی بۆ کۆبوونەوەی گیای بەهاری چووبوونە کوێستانەکانی سنووری تەمەرچین، بەهۆی تەقینەوەی مینی بەجیماوی شەڕی ٨ ساڵەی نێوان وڵاتی ئێران و عێراق لاقێکی لەدەست دا.
ئەو هاووڵاتییە کوردە، رێکەوتی ٣١ی خاکەلێوەی ئەمساڵ لە سنووری تەمەرچین و لە دیوی ئێران تووشی ئەو رووداوە هاتووەو بە توندی بریندار بووە.
عەلی ئەنباری بە مەبەستی چارەسەریی برینەکانی رەوانەی نەخۆشخانەی پیرانشار کراوە و هەنووکە لە ژێر چاوەدێریی پزیشکی دایە.
لە رۆژانی رابردووشدا منداڵێکی تەمەن ١٠ ساڵەی خەڵکی گوندی شێخ سەڵەی سەربە شاری سەلاسی باوەجانی لە کاتی یاری کردندا بەهۆی تەقینەوەی مین بریندار بوو.
