پیرانشار؛ دەست بەسەر نزیکەی ٣٠ سەر ئەسپی کاسبکاراندا گیرا
11:28 - 14 پووشپەڕ 2722
ڕۆژی یەکشەممە ١٢ی پووشپەڕ، هێزە ئینتزامییەکان بە هاوکاریی سپای پاسداران لە گوندی "قەبری حوسێن" سەر بە شاری پیرانشار، دەستیان بەسەر نزیکەی ٣٠ سەر ئەسپی کاسبکاراندا گرت.
بە وتەی سەرچاوەیەکی ئاگادار، دەستبەسەرداگرتنی ئەو ٣٠ سەر ئەسپە لەسەر بڕیاری جێگیری دادستانی شاری پیرانشار بووە.
ئەو سەرچاوەیە هەروەها ئەوەشی خستەڕوو: "هێزە ئینتزامییەکان و سپای پاسداران، جگە لە دەسبەسەرداگرتنی ئەو ٣٠ سەر ئەسپە، نزیک بە ٧ تەوێڵەی کاسبکارانیان پلۆمپ کردووە."
ئەو سەرچاوەیە هەروەها ئەوەشی خستەڕوو: "ئەو هێزانە هەڕەشەیان لە خاوەن ئەسپەکان کردووە کە لە ئەگەری بەدواداچوون بۆ ئەسپەکانیان لەگەڵ دەسبەسەرکردن بەرەڕوو دەبنەوە".
