پرۆژەی دروست کردنی نەخۆشخانەی ئابدانان پاش ٥ ساڵ بە نیوەچڵی ماوەتەوە + وێنە
22:20 - 3 بانەمەڕ 2713
ئاژانسی کوردپا: پرۆژەی دروست کردنی نەخۆشخانەی ئابدانان پاش تێپەڕبوونی ٥ ساڵ لە دروستکردن، هەتا ئێستا بەنیوەچڵی ماوەتەوە و هیچ پێشکەوتنێکی بەخۆیەوە نەدیوە.
بەپێی راپۆرتی ئاژانسی هەواڵدەریی کوردپا، ساڵی ١٣٨٦ی هەتاوی لەلایەن بەرپرسانی حکوومەتی ئیسلامیی ئێرانەوە بەردی بناغەی دروست کردنی نەخۆشخانەی ئابدانان داندرا و بەرپرسانی پەیوەندیدار رایاناگەیاند، کە لەماوەی ٢ ساڵدا ئەو پرۆژەیە کۆتایی پێ دێت، بەڵام پاش تێپەڕ بوونی ٥ ساڵ، ئەو پڕۆژەیە بەنیوەچڵی ماوەتەوە.
کەمتەرخەمی لە رەوتی دروستی کردنی ئەم پرۆژەیەدا بە شێوەیەک بووە کە نوێنەری خەڵکی ئابدانان لە مەجلیسی ئێران چەندین جار ناڕەزایەتی دەربڕیوە و رەخنەی لە لایەنە پەیوەندیدارەکان گرتووە.
شاری ئابدانان بە ٥٥ هەزار کەس حەشیمەتەوە لە ٢٢٠ کیلۆمیتریی باشووری شاری ئیلام هەڵکەوتووە و یەکێک لە گەورەترین کێشەکانی ئەو شارە، نەبوونی نەخۆشخانە و ناوەندی دەرمانییە کە هەتا ئێستاش شاری ئابدانان تەنیا ١ نەخۆشخانەی هەیە و هاووڵاتییانی ئەو شارە بۆ چارەسەریی نەخۆشەکانیان سەردانی شاری ئیلام دەکەن.
![\"12181.jpg\"](\"{imagepath}/12181.jpg\")
![\"12180.jpg\"](\"{imagepath}/12180.jpg\")
![\"12182.jpg\"](\"{imagepath}/12182.jpg\")
بەپێی راپۆرتی ئاژانسی هەواڵدەریی کوردپا، ساڵی ١٣٨٦ی هەتاوی لەلایەن بەرپرسانی حکوومەتی ئیسلامیی ئێرانەوە بەردی بناغەی دروست کردنی نەخۆشخانەی ئابدانان داندرا و بەرپرسانی پەیوەندیدار رایاناگەیاند، کە لەماوەی ٢ ساڵدا ئەو پرۆژەیە کۆتایی پێ دێت، بەڵام پاش تێپەڕ بوونی ٥ ساڵ، ئەو پڕۆژەیە بەنیوەچڵی ماوەتەوە.
کەمتەرخەمی لە رەوتی دروستی کردنی ئەم پرۆژەیەدا بە شێوەیەک بووە کە نوێنەری خەڵکی ئابدانان لە مەجلیسی ئێران چەندین جار ناڕەزایەتی دەربڕیوە و رەخنەی لە لایەنە پەیوەندیدارەکان گرتووە.
شاری ئابدانان بە ٥٥ هەزار کەس حەشیمەتەوە لە ٢٢٠ کیلۆمیتریی باشووری شاری ئیلام هەڵکەوتووە و یەکێک لە گەورەترین کێشەکانی ئەو شارە، نەبوونی نەخۆشخانە و ناوەندی دەرمانییە کە هەتا ئێستاش شاری ئابدانان تەنیا ١ نەخۆشخانەی هەیە و هاووڵاتییانی ئەو شارە بۆ چارەسەریی نەخۆشەکانیان سەردانی شاری ئیلام دەکەن.
