پارلەمانتارانی BDP: كوردەكان یان سەردەكەون، یان بەتەواوی قەڵاچۆ دەكرێن

22:10 - 20 خەرمانان 2712
مافی مرۆڤ
ئاژانسی كوردپا: ئەحمەد تورك ئەندامی شۆرای رێبەری كۆنگرەی كۆمەڵەی دێمۆكراتیك رایگەیاند، كاتی ئەوە هاتووە كە كوردەكان سەربكەون.

ئەو نوێنەرەی پارلەمانی توركیە لە پەڕاوێزی كۆنفرانسی ئیسلامیی كوردستان لە \"ئامەد\" بە دەنگی ئەمریكای راگەیاند، كوردەكان هیچكات لە روانگەی ئیسلامەوە سیاسەتیان نەكردووە و هیچكاتیش ئیسلامیی سیاسیی تێكەڵ بە سیاسەت ناكەن.

پارلەمانتاری پارتی ئاشتی و دێمۆكراسی وتیشی: چیدیكە كوردەكان نایانهەوەی ژێر دەستە بن و لەمەوبەدواش یان سەردەكەون یان هەتا دوایین هەناسە بەرگری لە خۆیان دەكەن.

ئاڵتان تان پارلەمانتارێكی دیكەی ئەو حیزبە وتی: كۆنفرانسی ئیسلامیی كوردستان دەبێ‌رێگا چارەیەك بۆ چارەسەریی كێشەی ئاشتیانەی كورد بدۆزێتەوە.

هەر لەو پێوەندییەدا عوسمان بایدەمیر لێپرسراوی شارەوانی ئامەد وتی: ئیسلام مافی وەك یەك و ئاشتی بۆ خەڵكی بە دیاری هێناوە بەڵام زیاتر لە 200 ساڵە كە لە ژێر ناوی ئیسلام و بە ناوی ئیسلامەوە نەتەوەی كورد دەچەوسێنرێتەوە و كاتی ئەوە هاتووە كۆتایی بەو زولم و زۆریانە بهێنرێت.
11:15 - 5 سەرماوەز 2724
ڕاگواستنی فەرەیدوون سوڵتانی بۆ گرتنگەی ئیتلاعاتی ورمێ و درێژکردنەوەی بڕیاری دەسبەسەرکرانی بۆ ماوەی مانگێکی دیکە
11:10 - 5 سەرماوەز 2724
سنە؛ گرووپێک لە ژنان بە ئامادەبوون لەسەر مەزاری ژنانی کوژراو، توندوتیژیی سیستماتیکیان مەحکووم کرد و جەختیان لەسەر درێژەپێدانی خەبات کردەوە
11:03 - 5 سەرماوەز 2724
سنە؛ سەیران خوسرەوی، چالاکی مەدەنی لەلایەن هێزە ئەمنییەتییەکانەوە دەسبەسەر کرا
10:56 - 5 سەرماوەز 2724
مەیسەم نووری، بەندکراوی خەڵکی قوروە لە بەندیخانەی هەمەدان لە سێدارە درا