١٠هەزار کوڕ و کچی پارێزگای کرماشان چاوەڕێی وامی هاوسەرگیری دەکەن
14:45 - 12 سەرماوەز 2712
ئاژانسی کوردپا: بەرپرسانی بانکەکانی پارێزگای کرماشان زیاتر لە ٥ هەزار فۆڕمی داخوازی \"وامی هاوسەرگیری\"یان بێ وەڵام هێشتۆتەوە.
بەپێی هەواڵی ئاژانسی هەواڵدەریی کوردپا، بەرپرسانی بانکەکانی پارێزگای کرماشان سەرەڕای ئیدعای کەمی بودجە، دەستیان بە نۆژەن کردنەوەی رووکاری دەرەوەی بانکەکان کردووە و ئەمە لە کاتێکدا ١٠ هەزار کوڕ و کچی ئەو پارێزگایە چاوەڕیی وەرگرتنی وامی هاوسەرگیری دەکەن.
سەرچاوەیەک بە ئاژانسی کوردپای راگەیاند: دوو ساڵ لەمەو پیش ئەو بانکانە تێکڕای دەرگا و پەنجەرەکانیان بە شێوەی لۆگۆی بانکەکان گۆڕێبوو.
لەلایەکی دیکەوە بەرپرسانی حکوومەتی ئێسلامی بەمەبەستی بردنە سەری رێژەی هاوسەرگیری لە ئێران، هەوڵی ئەوە دەدەن بڕی ئەو وامە زیاد بکەن، لە کاتێکدا بانکەکانی ٨ پارێزگای ئێران لەبەر نەبوونی بودجە توانای دابین کردنی ئەو وامەیان نییە.
بە پێی یاساکانی حکوومەتی ئێران وامی هاوسەرگیری تەنیا ئەو کەسانە دەگرێتەوە کە لەماوەی یەک ساڵی هاوسەرگیرییەکەیاندا داخوازییان پێشکەش کردبێت و ئەمە لە کاتێکدا بانکەکانی پارێزگاکانی \"ئەردەبیل، خوراسانی باکور و باشور، خوزستان، قوم، گیلان، کرماشان و ئیلام\" لە حاڵی حازردا لەبەر نەبوونی بودجە توانای دانی ئەو وامەیان نییە.
بەپێی هەواڵی ئاژانسی هەواڵدەریی کوردپا، بەرپرسانی بانکەکانی پارێزگای کرماشان سەرەڕای ئیدعای کەمی بودجە، دەستیان بە نۆژەن کردنەوەی رووکاری دەرەوەی بانکەکان کردووە و ئەمە لە کاتێکدا ١٠ هەزار کوڕ و کچی ئەو پارێزگایە چاوەڕیی وەرگرتنی وامی هاوسەرگیری دەکەن.
سەرچاوەیەک بە ئاژانسی کوردپای راگەیاند: دوو ساڵ لەمەو پیش ئەو بانکانە تێکڕای دەرگا و پەنجەرەکانیان بە شێوەی لۆگۆی بانکەکان گۆڕێبوو.
لەلایەکی دیکەوە بەرپرسانی حکوومەتی ئێسلامی بەمەبەستی بردنە سەری رێژەی هاوسەرگیری لە ئێران، هەوڵی ئەوە دەدەن بڕی ئەو وامە زیاد بکەن، لە کاتێکدا بانکەکانی ٨ پارێزگای ئێران لەبەر نەبوونی بودجە توانای دابین کردنی ئەو وامەیان نییە.
بە پێی یاساکانی حکوومەتی ئێران وامی هاوسەرگیری تەنیا ئەو کەسانە دەگرێتەوە کە لەماوەی یەک ساڵی هاوسەرگیرییەکەیاندا داخوازییان پێشکەش کردبێت و ئەمە لە کاتێکدا بانکەکانی پارێزگاکانی \"ئەردەبیل، خوراسانی باکور و باشور، خوزستان، قوم، گیلان، کرماشان و ئیلام\" لە حاڵی حازردا لەبەر نەبوونی بودجە توانای دانی ئەو وامەیان نییە.
