هێزە ئەمنیەتییەکان لە شاری شنۆ دوو هاووڵاتییان دەستبەسەر کرد
21:19 - 28 پووشپەڕ 2716
ئاژانسی کوردپا: هێزە ئیتلاعاتییەکان لە شاری شنۆ دوو هاووڵاتیی خەڵکی ئەو شارەیان دەستبەسەر کرد و بۆ شوێنێکی نادیار ڕاگواست.
بەپێی هەواڵی گەیشتوو بە ئاژانسی هەواڵدەریی کوردپا، لە چەند ڕۆژی ڕابردوو دا هێزە ئیتلاعاتییەکان دوو هاووڵاتییان بە ناوکانی \"خەلیل شاهی\" خەڵکی گوندی \"سینگان\" و \"زەکەریا سافکار\" خەڵکی شنۆ دەستبەسەر کرد.
دەگوترێ، بەدواچوونی بنەماڵەکانیان بۆ ئاگاداربوون لە مەڕ دۆخی کوڕەکانیان بێ ئاکام بووە و هەتاکوو ئێستا هیچ زانیارییەک لە سەر ئەو دوو هاووڵاتییە لە بەردەستدا نیە.
هەتاکاتی بڵاوبوونەوەی ئەم هەواڵە، هۆکاری دەستبەسەر کردنی خەلیل و زەکەریا بە ناڕوونی ماوەتەوە.
لە ماوەی یەک مانگی ڕابردوو دا، ١٧ هاووڵاتی لە شاری شنۆ و گوندەکانی ئەو شارە لە لایەن هێزە ئیتلاعاتییەکانەوە دەستبەسەر کراون.
سەبارەت بە بانگهێشت و دەستبەسەرکردنی هاووڵاتییانی کورد، هەواڵنێری کوردپا ڕایگەیاند؛ مەئموورانی ئیتلاعات \"بەبێ \"بەڵگەی یاسایی\" و لە زۆربەی حاڵەتەکاندا \"هەڵسوکەوتی توندوتیژانە\"یان لە کاتی دەستبەسەر کردنی هاووڵاتیان بەکار هێناوە و لە دانی هەر جۆرە زانیارییەک بە بنەماڵەکانیان خۆیان بواردووە.
بەپێی هەواڵی گەیشتوو بە ئاژانسی هەواڵدەریی کوردپا، لە چەند ڕۆژی ڕابردوو دا هێزە ئیتلاعاتییەکان دوو هاووڵاتییان بە ناوکانی \"خەلیل شاهی\" خەڵکی گوندی \"سینگان\" و \"زەکەریا سافکار\" خەڵکی شنۆ دەستبەسەر کرد.
دەگوترێ، بەدواچوونی بنەماڵەکانیان بۆ ئاگاداربوون لە مەڕ دۆخی کوڕەکانیان بێ ئاکام بووە و هەتاکوو ئێستا هیچ زانیارییەک لە سەر ئەو دوو هاووڵاتییە لە بەردەستدا نیە.
هەتاکاتی بڵاوبوونەوەی ئەم هەواڵە، هۆکاری دەستبەسەر کردنی خەلیل و زەکەریا بە ناڕوونی ماوەتەوە.
لە ماوەی یەک مانگی ڕابردوو دا، ١٧ هاووڵاتی لە شاری شنۆ و گوندەکانی ئەو شارە لە لایەن هێزە ئیتلاعاتییەکانەوە دەستبەسەر کراون.
سەبارەت بە بانگهێشت و دەستبەسەرکردنی هاووڵاتییانی کورد، هەواڵنێری کوردپا ڕایگەیاند؛ مەئموورانی ئیتلاعات \"بەبێ \"بەڵگەی یاسایی\" و لە زۆربەی حاڵەتەکاندا \"هەڵسوکەوتی توندوتیژانە\"یان لە کاتی دەستبەسەر کردنی هاووڵاتیان بەکار هێناوە و لە دانی هەر جۆرە زانیارییەک بە بنەماڵەکانیان خۆیان بواردووە.
