٢٥١ كه‌س له‌خاوه‌ن خوێنه‌كان لێبوردنیان فه‌ڕز كرد به‌سه‌ر قه‌ساسدا

ئاژانسی كوردپا: هاوكات له‌گه‌ڵ زیادبوونی ئێعدامه‌كان له‌ئێراندا، پاشگه‌زبوونه‌وه‌ی بنه‌ماڵه‌كان له‌به‌ڕێوه‌چوونی حوكمی قه‌ساس ڕووی له‌زیادبوونه‌.

ڕزگاربوونی ٢٥١كه‌س له‌په‌تی سێداره‌له‌لایه‌ن وته‌بێژی ئه‌و دامه‌زراوه‌یه‌وه‌ڕاگه‌یه‌نرا كه‌ئه‌م حوكمانه‌ی په‌سه‌ند كردووه‌.

له‌و ئامارانه‌ی كه‌له‌لایه‌ن موحسێنی ئێژه‌ییه‌وه‌بڵاو بوونه‌ته‌وه‌وا ده‌رده‌كه‌وێ كه‌ڕه‌وتی لێبوردنی مه‌حكوومه‌كان به‌قه‌ساس له‌نێوان شارۆمه‌ندانی ئێرانیدا ڕووی له‌زیادبوونه‌.

له‌ساڵی ٩٢، ٣٧٥ كه‌س و له‌ساڵی ٩٣، ٣٩٥ كه‌س به‌هۆی لێخۆشبوونی خاوه‌ن خوێنه‌كان له‌حوكمی قه‌ساس ده‌ربازیان بووه‌.

زیادبوونی لێخۆشبوون له‌ئێعدامییه‌كان له‌كاتێكدایه‌كه‌به‌پێی ئاماره‌كانی ناوه‌ندی ئاماری ئاژانسی هه‌واڵی كوردپا، له‌مساڵی زایینیدا زیاتر له‌٩٢٠ كه‌س له‌ئێراندا ئێعدام كراون و له‌چاو ساڵی ڕابردووه ئه‌م ڕێژه‌یه‌گه‌شه‌یه‌كی ٢٥% به‌خۆیه‌وه‌بینیه‌وه‌.

قه‌ساس حوكمێكی ئایینیه‌و بنه‌مای حكوومه‌تی هه‌یه‌. چالاكانی مافی مرۆڤ وه‌ها حوكمێك به‌پێی سیستمی دادوه‌ریی و داواكاریی له‌ئێراندا، به‌\"بێ دادوه‌ری و جۆرێك تۆڵه‌ئه‌ستاندنه‌وه‌\" پێناسه‌ده‌كه‌ن.

له‌مه‌ڕ زیادبوونی ئاماری لێخۆشبوونه‌كان ڕوانگه‌ی جیاواز و ته‌نانه‌ت پێكناكۆك بوونی هه‌یه‌. كۆمه‌ڵناسان قامك ده‌خه‌نه‌سه‌ر هۆكاره‌فه‌رهه‌نگییه‌كان و پارێزه‌رانی دادگاش باس له‌پرسی ئابووری ده‌كه‌ن.