هاووڵاتییەکی کورد لە مەترسیی ئێعدامدایە
16:41 - 29 رێبەندان 2720
هاووڵاتییەکی کورد بە ناوی "بێهزاد(کەماڵ) خاکزاد"، خەڵکی گوندی "بابخاڵاوێ" سەر بە شاری شنۆ لە مەترسیی ئێعدامدایە.
ناوبراو ساڵی ۱۳٨۹ی هەتاوی دوو کەسی بە ناوەکانی "شۆڕش ئاتەشبەرگ" و "جەلال" کوشتووه.
ئەو دوو کەسه خەڵکی گوندەکانی "هەمزاوا" و "سێڵوێ" سەر بە شاری پیرانشارن.
بنەماڵەی جەلال یەکێک لە کوژراوەکان ڕەزایەتی بە بنەماڵەی بێهزاد داوە و لێی خۆش بوونە. بەڵام بنەماڵەی شۆڕش ڕەزایەتی بە بێهزاد نادەن و داوای قساسی ناوبراو دەکەن.
بڕیارە لە ڕۆژانی داهاتوودا بێهزاد ئێعدام بکرێ. ناوبراو لە زیندانی ناوەندیی ورمێدایه.
بۆ ئەوەیکە بنەماڵەی شۆڕش ڕەزایەتی بە بێهزاد بدەن و ئێعدام نەکرێ، ڕدێن سپی، کەیخودا و چەندین مامۆستای ئایینی داوایان لە بنەماڵەی ناوبراو کردووه کە ڕەزایەت بدەن.
