هاووڵاتییەکی کورد لە بانە دەسبەسەر کرا
10:10 - 14 رێبەندان 2719
ڕۆژی شەممە، ٦ی ڕێبەندان، هاووڵاتییەکی کورد بە ناوی "ئەسکەندەر چراغی" کوڕی "قادر"، خەڵکی بانە و ئەندامی ئەنجومەنی پاژین، لەلایەن هێزە ئیتلاعاتییەکانەوە دەسبەسەر کرا.
هێزە ئیتلاعاتییەکان هێرشیان کردووەتە سەر ماڵی ئەو هاووڵاتییە کوردە و پاش دەسبەسەرکردنی، دەستیان بەسەر مۆبایلی خۆی و ژنەکەیدا گرتووە.
سەرەڕای بەدواداچوونی بنەماڵەی ئەو هاووڵاتییە، سەبارەت بە چارەنووسی "ئەسکەندەر"، زانیارییەکی وردیان پێ نەدراوە.
هەتا کاتی بڵاوبوونەوەی ئەم هەواڵە، هیچ زانیارییەک لەمەڕ هۆکاری دەسبەسەرکرانی ناوبراو لەبەر دەستدا نییە.
