هاووڵاتییەکی کرماشانی بە تۆمەتی "هاوکاری لەگەڵ یەکێک لە حیزبە کوردییەکان" دەسبەسەر کرا

چەند ڕۆژ پێش هاووڵاتییەکی کوردی خەڵکی کرماشان بە ناوی "ئیسماعیل مەنسووری" لەلایەن هێزە ئیتلاعاتییەکانەوە دەسبەسەر کراوە.

هێزە ئیتلاعاتییەکان ئەم هاووڵاتییە کوردەیان بەبێ پیشاندانی مۆڵەتی یاسایی لە ڕێگای داڵاهۆ- کرماشان دەسبەسەر کردووە.

"ئیسماعیل مەنسووری" بە تۆمەتی "هاوکاری لەگەڵ یەکێک لە حیزبە کوردییەکان" دەسبەسەر و بۆ شوێنێکی نادیار ڕاگوێزراوە.

تا کاتی بڵاوبوونەوەی ئەم هەواڵە، لە چارەنووس و هۆکاری دەسبەسەرکردنی ئەم هاووڵاتییە هیچ زانیارییەک لەبەر دەستدا نییە.