هاووڵاتییەکی کامیارانی کە تووشی ڤایرۆسی کۆرۆنا بووە، ئەنجامی تاقیکارییەکەی ئەرێنی ڕاگەیەندراوە
بەهۆی بڵاوبوونەوەی ڤایرۆسی کۆرۆنا لە کامیاران، ئەنجامی تاقیکاریی هاووڵاتییەک ئەرێنی بووە، هەروەها لە هەنووکەدا دوو کەسی دیکە لە نەخۆشخانەی سینای ئەو شارە خەوێندراون و لەژێر چاوەدێریی پزیشکیدان.
سەرچاوەیەکی ئاگادار لە نەخۆشخانەی سینای کامیاران ڕایگەیاند: "سێ کەس کە تووشی نەخۆشیی کۆرۆنا ببوون، دوو کەسیان خوێندراون و کەسێکی دیکە پاش ئەرێنی بوونی تاقیکارییەکەی، لەسەر ڕەزامەندیی خۆی گەڕاوەتەوە ماڵەوە و دوکتورەکانی ئەو نەخۆشخانە تەنیا حەبیان پێ داوە".
ئەو سەرچاوەیە زیادی کرد: "پزیشکانی نەخۆشخانەی سینا بەو هاووڵاتییە تووشبووەیان ڕاگەیاندووە کە لە ئەگەری خراپوونی باری تەندروستییەکەی دەتوانێت سەردانی نەخۆشخانەی کەوسەری سنە بکات".
وتیشی: "کەرەستەی خزمەتگوزاری لەو نەخۆشخانەیە زۆر کەمە و تەنانەت دەستکێش و جلوبەرگی تایبەت بە تووشبوان بە ڤایرۆسی کۆرونا زۆر بە دەگمەن دەست دەکەوێت و ئەگەریش هەبێت بە هەموو کەسی نادەن، هەروەها بەشێک لە پێرسۆنێلی ئەو نەخۆشخانەیە جلوبەرگی تایبەتیان نییە".
